Eng katta xotiraga ega USB-fleshkalar taqdim qilindi

05.01.2017

2097

Kingston Technology kompaniyasi 1 va 2 Tb hajmga ega DataTraveler Ultimate seriyasidagi fleshkalarni taqdim qildi. Kompaniya bu fleshkalarni dunyodagi eng katta xotiraga ega fleshkalar deb atamoqda. Fleshka ma`lumotlarni saqlash uchun juda katta hajm berishi bilan uning o'lchamlari bor-yo'g'i 72 x 27 x 21 mm ni tashkil qiladi.

Fleshkadan ma`lumotni o'qish va uni yozish tezligi ma`lum qilinmagan, uni kompyuterga ulash uchun ma`lumotlar bilan tez ishlashga mo'ljallangan USB 3.1 qo'llanadi. Yangi fleshkalarning korpusi yuqori mustahkamlikka ega rux qotishmasidan tayyorlangan. Ular savdoda 2017 yil fevral oyida paydo bo'lishi kerak. Fleshkaning narxi ma`lum qilinmagan. Albatta bu fleshkalar nafaqat dunyodagi eng sig'imdor, balki eng qimmat fleshkalar ham bo'lishini taxmin qilsa bo'ladi.

Manba: kun.uz