Eringizning ko`nglini topolmayapsiz!? Sababi yo`l qo`yilayotgan 7 xatoda

Ba`zan, tirnoq ostidan kir qidirish, odati o`z-o`zidan qaynonadan uning o`g`liga o`tganini sezib, yoqa ushlab qolasiz. Sevimli «dadajonisi»ni ichingizda «onangga o`xshamagur», deb qarg`ab ham qo`yasiz. Biroq, masala shu bilangina hal bo`lsa qaniydi… Bo`lmaydi-da!

Turmush o`rtog`ingizga dabdurustdan lab bo`yog`ingizning rangi, ovqatingizning ta`mi, ko`ylaklaringizning uzun-kaltaligi yoqmay qolsa, kamiga didingizni ham tanqid qiladigan odat chiqarsa xayolingizga keladigan birinchi tahmin nimaligini yaxshi bilasiz. Ha, xuddi o`sha «boshqasini topganmikan», degan shubha. O`zi biz ayollar zap gumondormizda! Keling, undan ko`ra masalani hovliqmasdan tahlil qilib ko`raylik. Balki muammo eringizning injiqligi emas, sizning beparvoligingizdadir? Xo`sh yo`l qo`yayotgan xatolarimiz nimalardan iborat?

1-xato. Turmushga chiqqandan keyin, «yoqtiradigani yoqtirib bo`ldi, endi oyna oldidagi mashaqqatli mashqlardan iborat go`zallik soatlari shart emas», deb o`zingizni juda bo`sh qo`ydingiz. Erkaklar esa to`ydan keyin ham ko`zi bilan yaxshi ko`raveradi. Shunday ekan uning tashqi ko`rinishingiz haqidagi biror e`tirozini e`tibordan chetda qoldirishga haqqingiz yo`q.

Echim. Hech qachon go`zalligingizga qo`shimcha zeb berishga erinmang! Oshxonada kuymalashganda ham, do`konga chiqqanda ham ko`rinishingiz a`lo bo`lsin. Hafsala qilsangiz, uy kiyimini-da o`ziga xos bichimdagisini tanlab kiyish mumkin. Dam olish kunlari bo`yanmaslik uchun bahona bo`la olmaydi.

2-xato. Turmush o`rtog`ingizga haddan ortiq bosim o`tkazib, har bir ishini tanqid qilaversangiz («uff, ko`ylak yoqasini bir kun kiymay kir qilaverarkan-da!»), u ham sizga xudi shu tariqa javob beradi. Uning injiqligi seziladiyu, o`zingizdan o`tganini sezmaysizda?!

Echim. Erkaklarga erkinlik kerak. Bu ularning hayot mazmuni. Eringiz istaganidek ish tutishiga imkon bering. Stulni tuzata olmasligi, aksincha borini ham buzib qo`yishini bilsangizda, bu borada achchiq gap aytishdan tiyiling. Yo`l qo`ygan xatolariga o`zi amin bo`lsin. Turmush o`rtog`ingiz ba`zan do`stlari davrasida kechgacha o`tirishiga qarshilik qilish haddan ziyod xudbinlik.

3-xato. Boshidan o`zingizni juda bo`sh qo`yganingiz sabab, u sizni har bir ishda tanqid qilib, kamsitishga ko`nikib qolgandir? Uning injiqliklariga o`zingiz sababchisiz! Uni haddan ziyod sevganingiz sabab, ko`nglini topish uchun barcha aytganiga ko`ngansiz. Begingiz esa bunga ko`nikib qolgan.

Echim. O`zingizni hurmat qilishni o`rganing! Ko`nglingizga yoqmayotgan takliflarga «yo`q», deyishdan qo`rqmang. To`g`ri, dastlab qo`ydek yuvosh xotinning gap qaytarayotgani eringizni hayratlantiradi. Ammo injiqliklariyu, jerkishlari hiqildog`ingizga kelganini yotig`i bilan, qog`ozga o`rab tushuntirsangiz, kelishmovchiliklar barham topadi.

4-xato. Juftingiz sizni shunchalik sevadiki, sizdek ayolni saqlab qolishning eng qulay usuli o`z muhabbatiga loyiq ko`rib, himmat qilganini miyangizga singdirish deb o`ylaydi. Sizni yo`qotib qo`ymaslik uchun tanqid qilaverib o`zingizga ishonchingizni sindirishni istaydi. O`zini sizdek «o`rtamiyona» odamga marhamat ko`rsatayotgan shahanshohlardek tutishdan lazzatlanadi. Chunki u o`ziga ishonmaydi.

Echim. U o`ziga ishonmaydi, shu uchun har narsada sizdan shubhalanadi. Ishonchsizligi, tanqidlari bilan dilingizni ranjitadi. Eringizga o`ziga ishonishni o`rgating. Buning uchun uni qanchalar sevishingiz, qadrlashingizni har kuni isbotlashingiz, aytishingiz kerak. Aks holda butun umr gumonu, kamsitishlarga chidab yashashingizga to`g`ri keladi.

5-xato. Turmush o`rtog`ingiz atrofdagilar unga gap-so`zsiz bo`ysunishlariga shunchalar o`rganib qolganki, sizni ham ularning bir qismi sifatida ko`radi. Shuning uchun unga yoqmagan biror masala yo vaziyat yuzasidan darhol noroziligini bildiradi.

Echim. U bilan teng huquqli ekaningizni tushuntirish oson kechmaydi. Shaxsiy «men»ingiz borligini isbotlang. Shundagina u sizni hurmat qila boshlaydi va tanqid qilishdan oldin o`z fikrini taroziga qo`yib ko`rishni o`rganadi.

GULNOZA


Комментарии (0) | Добавить: 01.02.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

GM Uzbekistan avtomobil yetkazib berishni tezlashtirishni va’da qilayotganlarga ishonmaslikka chaqirdi
O‘zbekistonda avtomobil raqamlari xalqaro raqamlarga almashtiriladi, barcha qog‘oz hujjatlar esa bekor qilinadi
ukumat uchun alohida mobil aloqa tizimi yaratiladi
iPhone X smartfoni Android’da ishlovchi barcha telefonlardan uch marta ko'proq daromad keltirdi
Nokia X’ning taqdimot sanasi ma’lum bo‘ldi
Foto: Samolyotlarning “yotoqxonalari”
Toshkentda ma’muriy binolar atrofidagi panjaralar olib tashlanmoqda
AQShlik bloger halokatga uchrayotgan samolyotda to‘g‘ridan to‘g‘ri translyatsiya uyushtirdi
«Telegram bloklanganidan keyin ham g'alaba qozondi»
Kelajak oziq-ovqati: 10 yildan keyin dunyo ahli nima tanovul qiladi
Манзура билан очиқ видеоинтервью: унга Тамиладан ҳам баттар муносабатда бўлишяптими?
Президент фармони: Янги давлат мукофоти таъсис этилди
Qirg‘izistonlik o‘ymakor usta Qur’oni karimning 20 oyatini yog‘ochga o‘yib yozdi
AQSh Xitoyga qarshi yangi savdo cheklovlarini tayyorlamoqda
Yuridik ma`lumotga ega bo'lmay qayta tayyorlashdan o'tib yuridik xizmatda ishlash mumkin bo'ladi
Toshkentda 1-maydan sovuq suv narxi oshadi
1 iyuldan boshlab O'zbekistonda kobeyjing kartalari ishlab chiqariladi
Moskvada havo harorati 70 yillik rekordni yangiladi
Durov Rossiyada «Telegram» bloklanishiga munosabat bildirdi
Yaponiya korporatsiyasi O‘zbekistonda benzin ishlab chiqaradigan zavod quradi
Shavkat Mirziyoyev yana sobiq Bosh prokurorni esladi
AQSHda 522 kiloli pirog tayorladi
«Titanik» qoldiqlari auksionda sotilmoqda
Telegram o'rniga «TamTam». Foydalanuvchilar yangi messenjerga ko'cha boshladi
Rossiya Telegram'ning kulini ko'kka sovurmoqchi: App Store va Google Play’ga talab yuboriladi
«PSJ» yetti karra Fransiya chempioni bo‘ldi
Ayol-qizlar o‘rtasidagi Qur’on musobaqasining respublika bosqichi 25—26-aprel kunlari Toshkentda bo‘lib o‘tadi
Opera VPN servisi aprel oxirida yopiladi
Toshkentda mast erkakning puli, telefoni va poyabzalini olib ketgan o‘g‘ri ushlandi
Tramp Suriyadagi Rossiya obyektlariga zarba berish imkoniyatini ko‘rib chiqqan