“Erkakning kuni ayollarni sahnada kamsitish orqali pul topishga qolmasin”. Kaniza “Million” jamoasi rahbariga javob qaytardi

“Million” kulgu jamoasi rahbari Davron Kabulov xonanda Kaniza (Shahrizoda Ahmedova)ning ayblovlari ortidan bayonot bilan chiqqandi. Oradan ikki kun o‘tib, Kaniza ham Instagram sahifasi orqali bayonot berdi.

Quyida Kaniza tomonidan bildirilgan fikrlar Davron Kabulovning bayonoti bilan bog‘lab, taqdim etilgan.

Davron Kabulov

“Million” jamoasi rahbari Kaniza 7 kun 9 seans bo‘lgan konsertning 8 tasida ishtirok etgani haqida aytib, qanday qilib sahnada nimalar bo‘lganidan bexabar bo‘lishi mumkinligi haqida aytib o‘tgandi.

“Zalda telefonga suratga olish taqiqlangan edi, faqat sizning yordamchingizga siz ishtirok etgan sahna ko‘rinishini videoga olishga ruxsat berdik (montajda buni ham ko‘rsatishim mumkin). Ertasiga taassurotlaringizni kulib aytib berdingiz. Qaysi vijdon bilan ‘Xabarim yo‘q!’, deyapsiz?”.

Kaniza

“Repetitsiyada qatnashdi degani, bu bir oy, bir hafta yoki bir kun avval degani emas. Chunki aslida Gulsanam Mamazoitova bilan chiqilayotgan edi. Gulsanam opaga ular o‘zlari istagan tarzda hazil qilishga kuch topa olmagani bois, konsertning ikkinchi kuni meni taklif etishdi va faqat bir marotabagina titrsiz repetitsiya qilindi. Buni Kabulovning o‘zi radioda tasdiqladi. Nega ikki xil gaplar?” (Qo‘shiqchi Davron Kabulovning radioda aytgan gaplariga havola ham bergan).

“Repetitsiyada menga faqatgina bosh kiyimlarim bilan prikol qilish aytilgan. Men shunga ko‘nganman. Jasur Umirovdan tortib, to hamma gaplarni Davronning o‘zi tuzib berdi. Konsertda chiqishga roziligim faqat imidjim va boshimdagi narsalar prikoliga rozilik edi. Davron, insof bilan bo‘lsin! Nega shuni mard bo‘lib, tan olmayapsiz?! Uyat emasmi?! Nega kelishilmagan titr qo‘yib yuborilgan? Konsert kunlari bir-ikki marta ekranga qarab, undagi yozuvlarga unchalik ahamiyat bermadim, tushunmadim ham. Chunki bu rejada bo‘lmagan. Ular yomon narsalarga shama ekanini bilmaganman”.

Davron Kabulov

“Konsert o‘tganiga uch oydan (!) oshdi. Shuncha vaqt davomida to‘y-marosimlarda siz bilan ko‘rishdik. Nega disk chiqquniga qadar o‘zimga bir og‘iz bu haqda gapirmadingiz?”

Kaniza

“Chunki ‘Million’ konsertiga hamma ham tushavermaydi. Mening tanishlarim va qarindoshlarim ham, albatta. Bu xalqona bir bayram emaski, hamma darrov bilsa. O‘zlariga bahoni ko‘p berishmasin! Bu Ozodbek Nazarbekov yoki Yulduz Usmonovaning konserti emas, undagi xitlar ertasigayoq xalqqa tarqalsa. Onamning 3 kun o‘tib bilgani esa uning AQShda ekani bilan bog‘liq. Video internetga endi qo‘yildi”.

Davron Kabulov

“Kaniza eri bilan ajrashish arafasida?! Qaysi eri bilan? Turmush o‘rtog‘im 10 daqiqaga do‘konga chiqsa ham meni xabardor qiladi — pochchamga sakkiz kun davomida qayerga chiqib ketayotganingizni aytmaganmidingiz? Nega eringiz biz bilan bog‘lanmadilar? Bir-biringizni og‘ir vaziyatlarda eshitishga xohish bo‘lmasa, bitta disk bahona turmush oson buzilsa, oila asli bizgacha ham mustahkam bo‘lmagan ekan-da?”

Kaniza

“Turmush o‘rtog‘ini elga reklama qilmaydigan san’atkordan ko‘ra, bugun uni ko‘z-ko‘z qilib, reklama qiladigani ko‘p. Shuning uchun ham erim bormi yoki yo‘q dolzarb mavzu ekani ayanchli. Qancha san’atkor berkitgan, bugungi kunda bola-chaqali bo‘lib ketgan hamki, erini ko‘rmagansiz. Shuning uchun ham bu shaxsiy hudud. Uzr, erim san’at olamidan bo‘lganida, u o‘zini reklama qilishni istagan bo‘larmidi… Kechirasizlar endi, erimni ma’murim qilib, uni reklama qilib yurmaganimga”.

Davron Kabulov

“Kaniza (Shahrizoda), ochig‘i, sizning bu kabi piarchi ekanligingiz haqida oldin ham eshitgandim, ammo menga aloqasi yo‘qligi uchun ahamiyat bermagandim”.

Kaniza

“Piarni men qilayotgan bo‘lsam, mening diskim sotuvga chiqqani yo‘q-ku. Hamma piar hozir aslida ‘Million’ va uning diski foydasiga bo‘lmoqda. Balki shu sabab Davron mavzudan umuman tashqari eshitgani qandaydir fisq-u fasodlardan matn tuzib, tarqatib yotibdi. Jangga tenglashgani esa ayol kishi. Ma’murimdan tortib, to kimni konsertiga tushishimgacha yiqqan mavzudan yiroq mish-mishi bilan to‘ldirgan o‘sha matnida nima asos va nima mantiq bor?”

Davron Kabulov

“Bir paytlar: ‘Kaniza Shahzodaning konsertiga ko‘chadan chipta sotib olib, rasmga olib, Instagram’ga: ‘Taklif uchun rahmat’, deb yozib qo‘yibdi’, deyishsa ishonmagandim. ‘Shu qiz o‘zining administratorini qamatgan’, deyishganida ham parvo qilmagandim.

Kaniza

“Bu narsalar ayollarga xosroqmidi, deyman… Biror narsa haqida taxmin yoki eshitgan ig‘voni aytishdan avval, uni tekshirish uchun odam fahm-farosatini ishlatsa, to‘g‘ri bo‘lardi. Uning nima aloqasi bor o‘zi bu mavzuga? Taklifnoma sotib olib, yana tashakkur deganimni eslay olmadim. Gaplar isboti bilan bo‘lsin, Davronbek. U mavzudan tashqari g‘iybat bo‘lsa ham. Qaysidir san’atkor aytgandi: ‘Men konsertim uchun artistlarga taklifnoma berib, ularning mashhurligi ortidan o‘zimni reklama qilgandan ko‘ra, ularning o‘zi chipta sotib olib kelgani meni qo‘llab-quvvatlaganini bildiradi. Bu ularning oldidagi hurmatim’, deb”.

“Faqatgina kimlarnidir kamsitish orqali yoki uyatsiz mavzularga shama bilan konsert qo‘ymay, haqiqiy ijod bilan izlanib, el qalbidan joy olishsin! Choyxona auditoriyasi uchun emas, oila bilan ko‘rib tan berishlik darajasida rivojlana olishsin”, — deb fikr bildirgan Shahrizoda Ahmedova.

Xonanda, shuningdek, o‘z administratorini qamatgani borasidagi ayblovga ham izoh bergan.

“Ma’murim qamalib chiqqani sir emas. Bunday jinoyat ishlariga san’at olamidagilarning ko‘pi guvoh bo‘lgan. Ma’murim o‘z aybini tan olgan. Mening emas, o‘zining jinoyati uchun qamalgan. San’at olamida xuddi boshqa hech kimning ma’muri pulga tushirmagan, xonandalar ariza ham yozmagandek. Uzr, katta pulga tushurib ketgan jinoyatchini sotilgan uyim sabab kechira olmaganim uchun. Uzr, u men va onamni o‘sha vaqtlar uysiz, ko‘chada qoldirgani uchun arz qilganimga”.

Kaniza so‘zining yakunida shunday xulosa qildi:

“Erkak kishini, u san’atkormi yo masxaraboz — kuni ayollarni sahnaga olib chiqib, kamsitib, shu orqali pul topishga qolmasin! U erkakligini unutib qo‘ymasin ekan”.

“Ayolman-da, uyim notinch bo‘lgan payti emotsiyada ‘oilam buzildi’, deb shoshib gapirvoribman. Mayli, nima bo‘lsa ham peshonadan. Ayol kishi bilan olishish darajasiga borishni o‘ziga ep ko‘rmagan, mayda gapdan foydalangan holda o‘z aybini yopishga harakat qilmaydigan mardlarga cheksiz hurmatim! Mard va jiddiy erkaklar bor bo‘lsin, hayotda!”


Комментарии (1) | Добавить: 27.12.2016
1.  (27.12.2016 19:31)
Kaniza piarchiligi rost bu borada Lola bilan ham tortishib qolgan. Odamlar tanilish uchun nimalar qilmaydi deysiz. Million taniqli jamoa uni ozbekiston taniydi. A kaniza esa ozini tanitish bilan ovvora. Davronga emas Kanizaga boqdolar yogildi desangiz xato boladi. Shulxani shulxa deydida
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

GM Uzbekistan avtomobil yetkazib berishni tezlashtirishni va’da qilayotganlarga ishonmaslikka chaqirdi
O‘zbekistonda avtomobil raqamlari xalqaro raqamlarga almashtiriladi, barcha qog‘oz hujjatlar esa bekor qilinadi
ukumat uchun alohida mobil aloqa tizimi yaratiladi
iPhone X smartfoni Android’da ishlovchi barcha telefonlardan uch marta ko'proq daromad keltirdi
Nokia X’ning taqdimot sanasi ma’lum bo‘ldi
Foto: Samolyotlarning “yotoqxonalari”
Toshkentda ma’muriy binolar atrofidagi panjaralar olib tashlanmoqda
AQShlik bloger halokatga uchrayotgan samolyotda to‘g‘ridan to‘g‘ri translyatsiya uyushtirdi
«Telegram bloklanganidan keyin ham g'alaba qozondi»
Kelajak oziq-ovqati: 10 yildan keyin dunyo ahli nima tanovul qiladi
Манзура билан очиқ видеоинтервью: унга Тамиладан ҳам баттар муносабатда бўлишяптими?
Президент фармони: Янги давлат мукофоти таъсис этилди
Qirg‘izistonlik o‘ymakor usta Qur’oni karimning 20 oyatini yog‘ochga o‘yib yozdi
AQSh Xitoyga qarshi yangi savdo cheklovlarini tayyorlamoqda
Yuridik ma`lumotga ega bo'lmay qayta tayyorlashdan o'tib yuridik xizmatda ishlash mumkin bo'ladi
Toshkentda 1-maydan sovuq suv narxi oshadi
1 iyuldan boshlab O'zbekistonda kobeyjing kartalari ishlab chiqariladi
Moskvada havo harorati 70 yillik rekordni yangiladi
Durov Rossiyada «Telegram» bloklanishiga munosabat bildirdi
Yaponiya korporatsiyasi O‘zbekistonda benzin ishlab chiqaradigan zavod quradi
Shavkat Mirziyoyev yana sobiq Bosh prokurorni esladi
AQSHda 522 kiloli pirog tayorladi
«Titanik» qoldiqlari auksionda sotilmoqda
Telegram o'rniga «TamTam». Foydalanuvchilar yangi messenjerga ko'cha boshladi
Rossiya Telegram'ning kulini ko'kka sovurmoqchi: App Store va Google Play’ga talab yuboriladi
«PSJ» yetti karra Fransiya chempioni bo‘ldi
Ayol-qizlar o‘rtasidagi Qur’on musobaqasining respublika bosqichi 25—26-aprel kunlari Toshkentda bo‘lib o‘tadi
Opera VPN servisi aprel oxirida yopiladi
Toshkentda mast erkakning puli, telefoni va poyabzalini olib ketgan o‘g‘ri ushlandi
Tramp Suriyadagi Rossiya obyektlariga zarba berish imkoniyatini ko‘rib chiqqan