Eronlik sportchi ayol sportzalda selfiga tushgani uchun qamoqqa olindi

19.01.2017

2309

Эронлик бодибилдер аёл спортзалда тушган селфисини ижтимоий тармоқларга жойлаштиргани учун қамоққа олинди, деб хабар берди “Ria.ru” нашри.

Мускулларини кўз-кўз қилиб суратга тушган спортчи аёлни ҳукумат қонунни бузганликда айблади. Нашрнинг хабар қилишича, гаров пулини тўлашга қурби етмаган аёл айни пайда қамоқда сақланмоқда.

Эронда бошига рўмол ўрамаган аёл “яланғоч” ҳисобланади. Бундан ташқари, жамоат жойларида тананинг бирор қисмини, масалан, қўл ва оёқни кўрсатиш ҳам мумкин эмас.

Спортчи аёлнинг номи ошкор этилмаган, аммо маҳаллий ОАВлар уни халқаро мусобақалар иштирокчиси, эронлик бодибилдер аёл Ширин Нобаҳорий, деб тахмин қилмоқда.