Facebook foydalanuvchilar shaxsiy ma`lumotiga kira olishi bilan maqtangan o'z xodimini ishdan bo'shatdi. Bu haqda The Wall Street Journal vaziyatdan xabardor manbaga asosan ma`lum qilgan.
Spyglass Security kompaniyasi asoschisi va ma`lumotlar xavfsizligi sohasidagi maslahatchi Jyeki Stouks Tinder ilovasidagi yozishma skrinshotini e`lon qildi, unga buni boshqa bir qiz yuborgan.
Ushbu yozishmada o'zini Facebook xodimi sifatida tanishtirgan erkak ishi bilan maqtana boshlagan. Xususan, u «hakerlarni qidirib topishi va ularning shaxsini aniqlashi»ni aytgan.
Shuningdek, ayolning aytishicha, erkak o'zini «professional stalker» deb atagan hamda u haqidagi shaxsiy ma`lumotlarni taqdim etgan.
O'z navbatida, Facebook ushbu hodisani tezkor tartibda surishtiruvdan o'tkazayotganini xabar berdi.
Eslatib o'tamiz, avvalroq WhatsApp hamasoschisi Facebook bilan ziddiyat tufayli kompaniyani tark etgandi.