ФХХ академияси Gelandewagen воқеаси туфайли раҳбар ходимларини бўшатади

Россия Федерал хавфсизлик хизмати, махсус хизмат Академияси битирувчиларининг Москва шаҳри кўчалари бўйлаб 30 та ҳашаматли Mercedes-Benz Gelandewagen йўлтанламасларида кўрсатган томошаси юзасидан ички суриштирув ишларини тамомлаган.

ФХХ сайтида эълон қилинган матбуот баённомасида айтилишича, академия битирувчиларининг тантанали битириш анжумани бир неча йиллар ичида биринчи марта жамоатчиликнинг жиддий эътиборини тортган. 

Қайд этилишича, «уларнинг нокамтарона шахсий хулқи <...> фуқароларнинг ҳақли эътирозлари ҳамда хавфсизлик органлари жанговар жамоаларининг кескин танқидига учраган».

«Шу боис, айбдор шахсларга нисбатан, уларнинг хизматни ўташига оид принципиал чоралар кўрилган», — дейилади хабарда. 

Айни чоғда, таълим муассасасининг раҳбариятига «жиддий интизомий чоралар кўрилган», хусусан баъзи раҳбарларнинг  лавозимини пасайтирилган, бошқалари ишдан бўшатилади. 

Шу билан бирга, суриштирув чоғида, интернетда воқеликни бўрттириб кўрсатиш учун сохта лавҳалар ҳам жойлаштирилгани аниқланган. 


Комментарии (0) | Добавить: 14.07.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]