Генри Форд ходимларига дам олганлари учун пул тўлагани ҳақида
21.08.2015 1317
Генри Форднинг заводларидан бирида бир гуруҳ ишчилар дам олгани учун пул
олар эди. Бу конвейернинг узлуксиз ишлашига жавоб берувчи сервис
бригадаси, яъни таъмирчи усталар эди. Уларнинг дам олиш хонасида
ўтказган вақти учун ҳисобларига пул ёзиларди. Йиғиш линиясида
носозликдан дарак берувчи қизил чироқ ёниши билан уларга пул
ҳисоблаётган ҳисоблагич тўхтар эди.
Биринчидан, таъмирчилар тезроқ дам олиш хонасига қайтиш учун таъмир
ишларини тезкорлик билан амалга оширар эди. Иккинчидан, яна муаммо
чиқмаслиги учун таъмир юқори сифатда амалга оширилар эди.