Германияда Germanwings фожиаси учувчиси Лубицнинг сўнгги мактуби эълон қилинди

05.03.2016

872

Германиянинг Bild газетаси шанба куни учувчи Андреас Лубицнинг электрон почта орқали ўз шифокорига йўллаган мактубини эълон қилди.

Germanwings авиакомпанияси ходими ўтган йили содир бўлган ва 100 кишининг ҳалок бўлишига олиб келган авиаҳалокатда айбдор деб топилган эди.

Лубицнинг мактуби 10 март вақти билан саналанган. Учувчи унда руҳияти билан боғлиқ муаммолар, шу билан бирга, кўриш қобилиятининг сусаётгани ҳақида гапириб ўтган. "Тунгги уйқунинг энг узоқ муддати икки соатни ташкил этмоқда (сўнгги пайтларда бу ҳам қисқариб бормоқда).

Мен кўр бўлиб қолишимдан қўрқаяпман ва бу ўйлов тунлари ухлашга бермаяпти ", - деб ёзган учувчи.

Bild нашрининг маълум қилишича, Лубиц фожиадан олдин 40 дан зиёд шифокорга турли масалалар билан кўринган.