У нас есть только
оригинальные песни

GM Uzbekistan Lacetti-2 ва Cobalt нархларини пасайтирди

calendar 04.06.2015
3293


GM Uzbekistan автокомпанияси 3 июндан бошлаб Lacetti-2 ва Cobalt автомобиллари учун хорижий пластик карточкалар орқали тўланадиган вариантлари нархларини пасайтирди. Бу ҳақда компаниянинг расмий сайтида хабар қилинган. "2015 йилнинг 3 июнидан 31 декабригача «GM Uzbekistan» АЖ халқаро пластик карточкалар орқали тўлов қилинадиган Lacetti-2 ва Cobalt русумли автомобилларининг янги нархларини белгилади. Барча керакли маълумотларни «GM Uzbekistan» АЖ нинг расмий рўйхатдан ўтган дилерлик корхоналаридан, шунингдек, компаниянинг маълумот марказидан олишингиз мумкин", дейилади хабарда. Aниқлик киритилишича, автомобилининг биринчи ва иккинчи позициялари учун ХПК бўйича нархлар 15 фоиз туширилган. Бундан олдин Cobalt LS (биринчи позиция) нархи 32,619 млн сўм, Cobalt LT (иккинчи позиция) нархи 35,027 млн сўм, Lacetti SX (биринчи позиция) нархи 38,358 млн сўм, Lacetti CDX/M/T (иккинчи позиция) нархи 44,333 млн сўм қилиб белгиланганди. Компания вакилининг кун.уз сайтига маълум қилишича, харидор биринчи тўловидан бир ой кечиктирмасдан жойлардаги салонлардан ўз машинасини олиб кетиши мумкин бўлади. Компания маълумот маркази телефони: 141 77 77
Яндекс.Метрика