GM Uzbekistan Rossiyada 1,8 mingdan ortiq Ravon avtomobillarini sotdi

GM Uzbekistan aksionerlik kompaniyasi 2016 yil iyulidan dekabr oyiga qadar Rossiyada 1811 dona Ravon avtomobilini sotishga muvaffaq bo'lgan. Bu haqda Yevropa biznesi assotsiatsiyasi avtomobil ishlab chiqaruvchilar qo'mitasi hisobotida so'z yuritilgan. 

Qayd etilishicha, kompaniya dilerlari 2016 yil dekabr oyining o'zida Ravon brendida yetkazib berilgan 799 dona avtomobil sotishga erishgan. 

GM Uzbekistan AKning Rossiya avtomobil bozoridagi ulushi 2016 yil yakuniga ko'ra, 0,1 foizni tashkil etgan, 2016 yil dekabr oyida bu raqam 0,3 foizdan iborat bo'lgan. 

Umuman, 2016 yil yanvar-noyabr oylari natijasiga binoan, GM Uzbekistan 27 o'rinni egallagan. Kompaniya tomonidan ishlab chiqarilayotgan modellarning hech biri eng yaxshi sotilayotgan Top-25 talikka kira olmagan. 

Eslatib o'tamiz, Rossiyada Ravon brendidagi avtomobillar savdosi 2016 yil iyul oyida boshlangan edi. Bungacha, GM Uzbekistan mahsulotlarini Daewoo brendi ostida RFga yetkazib bergan.


Комментарии (1) | Добавить: 16.01.2017
1. Shaxboz_95 (16.01.2017 18:06)
Ravon brendini o'zimizga ham sotsa bo'lmaydimi?
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]