GM Uzbekistan yangiliklari

Gm-uzbekistan.com сайтида 2016 йили GM Uzbekistan Spark, Malibu ва Captiva машиналарини ишлаб чиқаришни тўхтатиши ҳақида хабар берилган эди. Бу ахборот электрон ресурсларда кенг тарқалди. Kun.uz ушбу ахборот қай даражада ҳақиқатга мос келишини аниқлаш мақсадида GM Uzbekistan билан боғланганда, компания ходими бу борада ҳеч қандай расмий маълумот йўқ эканлигини таъкидлади. Бундан ташқари, 2016 йил бошидан GM Uzbekistan компанияси томонидан Chevrolet Aveo седанининг ишлаб чиқарилиши йўлга қўйилиши аниқланди.Spark ва Captiva машиналарининг ишлаб чиқарилиши тўхтатилиши ҳақидаги ахборот тасдиқланмади. Malibu моделининг ишлаб чиқарилиши эса 2015 йилнинг бошидаёқ тўхтатилгани айтилмоқда. Аниқланишича, жорий йилнинг январь ойида ушбу русумдаги автомобиллардан 5 дона ишлаб чиқарилган. Бундан ташқари, илгарироқ Nexia N-150 моделининг конвейердан олиб ташланиши ҳамда Aveo седанининг ишлаб чиқарилиши ҳақида хабар берган эдик. 2016 йилнинг бошидан GM Uzbekistan компанияси халқ орасида Nexia-2 номи билан машҳур Chevrolet Nexia N-150 автомобилининг ишлаб чиқарилиши тўхтатилади.