Google йўловчи ташиш бўйича хизмат тақдим этди

17.05.2016

821

Google компанияси Waze навигатор-иловасида Uber тизимига ўхшаш йўловчи ташиш бўйича хизмат таклиф этди. Бу ҳақда Telegraph хабар қилди. 

Ушбу хизмат Waze иловасининг исталган фойдаланувчисига йўловчиларни пуллик ташишни амалга ошириш имконини таклиф этади. 

Хизматнинг Uber тизимидан фарқи ҳайдовчи бир кунда фақатгина иккита сафарни амалга ошириши мумкин. 

Бундан ташқари, тўланган пулларни ҳайдовчи ёқилғи қуйиш ва абтомобилга техник хизмат кўрсатишга етказиши керак.