Huawei 512 gigabayt xotiraga ega smartfon ishlab chiqaradi

22.03.2018

1200

Huawei kodli nomi NEO-AL00 bo‘lgan yangi smartfonni ishlab chiqarishga tayyorgarlik ko‘rmoqda, deb xabar beradi Hi-Tech.Mail.Ru.

Smartfon Android’da ishlaydi, unda ikkita SIM-karta uchun slot bo‘ladi, tezkor xotira 6 gigabayt.

Uning eng diqqatga sazovor jihati — ichki xotira hajmidir. Noma’lum smartfon 512 gigabayt ichki xotiraga ega bo‘lishi rejalashtirilmoqda.

Agar u yaqin orada sotuvga chiqarilsa, u holda kompaniya rekord o‘rnatadi. Hozirga qadar hech qaysi kompaniya 256 gigabaytdan katta xotiraga ega bo‘lgan smartfon ishlab chiqarmagan edi, deyiladi xabarda.