Hurmatli xonandacha va zvizdachalarimiz.O'qing...

12.07.2011

1393

Шоу бизнес оламидаги икки танишим хонандаларни таққослаб тортишиб қолганидаги бир мавзу диққатимни тортди.

-Ээээ уни вапше рейтинги нольку нимаси зўр?

-Вай сан вилоятдаги стадионни тўлдирганини кўргин ..

Мана шу жойида яхшилаб фикр қилсак аслида вилоятда стадионларни тўлдиришни хонанданинг рейтинги, унинг махоратини эмас, кўпроқ рекламаси бор эканлигини исботлайди холос. Қандай қилиб?
Оддий!

Вилоятдагиларни АКСАРИЯТИ хонандаларни фақат тв, газета ва платкаларда кўришади холос. Озиб ёзиб уларни стадионига келадию, кириш нархлари қулай ва панжара орти, панжара усти ва дарахтлардаги жойлар текин бўлганидан кейин боришмайдими?
Боришади!
Қишлоғи билан боришади!

Элементар! Масалан Тошкентга биз фақат шу тариқа билган Мадонна, Джениффер Лопеслар очиқ стадионга келсаю, нархлари ҚУЛАЙ (Истиқлол саройи нархидан йироқ) бўлса бормаймизми? Тошкент кўчиб борар.
Агар яна стадионда бўлсаку ман ўзим жа бўлмаса ўша стадион атрофидаги дарахтлар...йўғэ, Тошкентку, хулллас 9 этажлик бинони устига чиқиб бўлса хам томоша қилиб, камига яна фотоаппаратни видеосига ёзиб биринчи бўлиб сайтга қўйган бўлардим-кууу. Хех. Албатта бу жуда бир чипта ололмас бўлган тақдиримдада, қулай нарх бўлса чипта қоларканми?

Вилоятда фалон сўмга стадионда концерт берилмайди, нархлар қулай бўлади, шунинг учун бундай концертларда СИФАТга эмас, СОНга урғу берилади. Сифат деганда мусиқа жаранглаши, томошабинлар учун қулайликлар албатта йўқ бўлади.
Иссиқ бўлса тепангизда соя йўқ, ёмғир бўлса шалаббо бўлиб томоша қиласиз. Хонанда эса бутун бошли концерт дастурини уёқдан буёққа стадионга хос бўлган спорт концерт дастури билан ўтиб, шейпинг дастурини адо қилади қўяди.

Хуллас хурматли хонандача ва звиздаларимиз! Вой мани вилоятдаги концертимда бутун бошли қишлоқ кўчиб келди деб хурсанд бўлманг.
Улардан аксарияти кимлигингизниям билмай келади, чунки асосан "Ха, артист кепти Тошкандан" деб келаверади. Келгач эса панжарани ортида худди шу концертни кўришга махкум дегандек кўринишда бўлгач, "Хаа вой анавику" деб қўйиши хақиқатдан йироқ эмас, ишонаверинг.
Томошабинлар орасида мол, сигир, қўй қўзилар кўриниб қолса "Вой ман вапше суперстар эканманку, хатто жониворлар хам келибди" деб хурсандчиликдан микрофонга додлаворманг тағин. Биринчидан микрофон вилоятларда 75 фоиз ишламаслиги аниқ, фонограммангизга у шартмас, иккинчидан ё қўй қўзиларни хувиллаган қишлоқда ташаб келишга кўзи қиймаган ё стадион ўтлироқ бўлса улар шу ерда тамадди қилиш билан овора бўлган.
Сиз келганингиз улар учун фақат жониворлар учун ресторанни бағишлайди холос.
Ахир улар хамиша хам мусиқа остида ўт-ўлан чайнашмайдида.

Хуллас хизмат кўрсатган артист ва Нихол мукофоти совриндори ёнига яқинда "Вилоятларда стадионни тўлдирган" унвони қўшилса мана шу мақолани яхшилаб ўқиб чиқишингизни тавсия қиламан.

Шунчаки содда бўлманг дейманда, ахир аксарият хонандаларга содда аудитория қанча кенг бўлса шунча яхшида.

Sayyod