У нас есть только
оригинальные песни

Имтиҳонларга тайёргарлик: қандай қилиб кўп маълумотни эслаб қолиш мумкин?

calendar 17.06.2016
1738

Ўз ўрганиш услубингизни аниқлаб олинг

Барчамиз ҳар хил инсонлармиз, шунинг учун имтиҳонларга тайёрланиш стратегияси ҳам фарқланади. Ўз қобилиятларингиздан келиб чиқинг. Агарда сиз аудиал бўлсангиз дарсликларни ва конспектларни овозингизни чиқариб ўқинг, агар кинестетик бўлсангиз – ўз конспектларингиз асосида шпаргалкалар ёзинг ва жавобларингизнинг режаларини тузиб чиқинг.

Агар ҳар бир янги мавзуни аввалгиларисиз тушунишни иложи бўлмаса, унда фақат бир йўли қолади: барчасини тартиб билан ўрганинг.

Шунингдек, мураккаб саволлардан бошлаш керак, деган тушунча бор. Улар учун етарлича вақт ажратиш керак. Яхшиси уларни толиқмасингиздан аввалроқ ўрганишни бошласангиз яхши бўлади. Осон саволларни кейингига қолдиринг.  

 

Ёдлаб олишга эмас, тушунишга ҳаракат қилинг 

Ёдлаб олиш — ютқазиб қўйишга олиб келади. Бундан ташқари, у узоқ вақтни ўғирлайди. Саволлардаги мантиқий алоқаларни қидиринг, боғлиқликларни ўйлаб топинг. 

Албатта, ҳар бир нарсада ёддан билиш зарур бўлган маълумотлар бор: саналар, формулалар, ечимлар. Бироқ мантиқни англаб етсангиз, уларни эслаб қолиш янада осонроқ бўлади.  

Имтиҳонларда мавзуни ўз сўзларингиз билан айтиб беринг. Жавоб тушунарли бўлиши учун яхшилаб фикрланг.  

«3–4–5» методикаси

Биринчи кун фан бўйича билимларни янгилаш учун ўз методичкангизни ўқиб чиқинг. Бундай ҳолда сиз ҳеч бўлмаганда 3 баҳога лойиқ бўлишингиз керак.  

Иккинчи кун айнан ўша саволлар устида ишланг, бироқ дарслик бўйича. Бунда сиз кўпроқ мураккабликларга ойдинлик киритасиз. Агар тиришқоқлик билан ҳаракат қилсангиз, демак 4 га торта оласиз.

Сўнгги кун ўз жавобларингизни идеал даражага олиб чиқинг: такрорланг, бўшлиқларни тўлдиринг, эслаб қолинг. Учинчи кундан сўнг, имтиҳонни аъло баҳога топшира оласиз.

 

Икки кунни ўрганишга, бир кунни эса қайтаришга ажратинг

Тизим жуда оддий: барча мавзуни иккита тенг қисмга ажратиш ва уларни икки кун ичида ўрганиш керак. Учинчи кун тўлиқ ёдлашга сарфлансин. 

Бир мавзуга ёпишиб олманг

Агар битта савол устида узоқ вақт ўтирганингизни ҳис этсангиз, уни ташлаб кетинг. Тайёргарликда энг яхши рағбатлантириш — таймер. Бу мавзуга қанча вақт ажрата оласиз, шуни чамалаган ҳолда, кейингиларига ўтишингиз керак бўлади. 

 

Вақт бўйича чекловлар қўйинг

Ҳар битта мавзуни узоқ ва чексиз ўрганиш мумкин, шу сабабли энг асосий маълумотларни ёдда сақлашга ҳаракат қилинг. Дарсликдаги катта бўлимдан энг керакли бўлган фикрларни ажратиб чиқинг: кичик ҳажмда тузиб олинган мавзуни эслаб қолиш осон.

 

Савол учун жавоб бериш режасини тузинг

Ҳар қандай, ҳаттоки, энг узун ва мураккаб саволни бир неча сўзлар билан ифодалаш мумкин. Худди шундай жавобларни ҳам қисқароқ ва тушунарлироқ ифодаланг. Бу мавзуларни хотирада яхши сақланишига ёрдам беради.

 

Иккита ёки учта бўлиб тайёрланинг

Сизга энг қийин туюлган мавзуларни ёзиб олинг. Унга жамоа билан биргаликда ечим топиш тез ва осонроқ бўлади. Сиз каби имтиҳон топшираётган дўстларни учрашувга чақириб, биргаликда тайёрланинг. 

Учрашув анъанавий суҳбатлар, ҳазил ёки дам олишга айланиб кетиши мумкин, лекин энг муҳим вазифа ва мақсадингиз ёддан чиқмасин. 

Яндекс.Метрика