Ҳинд режиссёри Фарҳан Ахтар рафиқаси билан ажрашди

15 йиллик турмушдан сўнг Ҳиндистоннинг машхур режиссёри Фарҳан Аҳтар рафиқаси Адхуна билан ажралишга қарор қилди. Бу ҳақда vk.com хабар тарқатди. Ҳиндистонда “оркестр одам” деб тан олинган актёр, режиссёр, продюсер, сценарист, қўшиқчи, шоир ва телебошловчи Фарҳан Ахтар ва Адхуна бу хақда мухлисларига расман хабар қилишди.

“Биз ўзаро келишган ҳолда ажралишга қарор қилдик. Фарзандалримиз иккимизнинг ўртамизда қолади. Чунки улар биз учун ниҳоятда қадрли. Ота-она сифатида биз уларни атрофдагилардан, ташқи таъсирлардан эҳтиёт қилишни истардик. Айни вақтда бизга тинчлик ва хотиржамлик ўта зарур. Шу сабабли бизга ана шу шароитни яратиб беришингизни сўраймиз, азиз мухлислар. Токи биз қабул қилган қароримизни ирода билан енга олайлик...”

Эслатиб ўтамиз, бу Фарҳан Ахтарнинг иккинчи турмуши. Фарҳан ва Адхуна 2000 йилда турмуш қуришган. Ҳозирда уларнинг икки нафар Шакия ва Акира исмли қизлари бор. Фарҳан Ахтар Ҳиндистонда аёлларга зўравонлик қилиш ва уларни таҳқирлашга қарши ижтимоий компанияга асос солган.


Комментарии (0) | Добавить: 23.01.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]