iOS 11 operatsion tizimida xato topildi

24.10.2017

1089

iOS 11 операцион тизимида калкулятор билан боғлиқ хато топилди. 
 
“iOS 11 калкуляторида 1 + 2 + 3 деб тез ёзиб кўринг. Ишончим комилки, 6 чиқмайди”, деб ёзади фойдаланувчилардан бири.
 
Аниқланишича, символларнинг тез ёзилишида калкулятор барча ҳаракатларни “тушунмай” қолиши ва хато натижани кўрсатиши мумкин экан. Масалан, 1 + 2 + 3 тез ёзилганда, дастур ахборотни қайта ишлашга улгурмайди ва киритилган маьлумотни 1+23 деб ҳисоблаб, жавоб 6 ўрнига 24 чиқади.
 
Фойдаланувчилар белгилардан сўнг танаффус қолдиришни маслаҳат беришди, шу билан бирга Apple ўз хатосини тузатишига умид билдирмоқдалар.

Эслатиб ўтамиз, аввалроқ АҚШнинг Apple компанияси iPhone 8 ва iPhone 8 Plus ҳамда iPhone Х смартфонларини тақдим этгани, уларнинг орқа корпуси шишадан ишлангани ва қувват олдириш мосламаси симсиз эканлиги ҳақда хабар берган эдик.