iPhone zaryadini tejash uchun 15 maslahat

Odatda iPhone egalari yonida bir nechta quvvatlash qurilmalari, adapterlar va portativ akkumulyatorlar olib yurishiga to'g'ri keladi. Biz sizga smartfon batareyasining quvvatini qanday tejash mumkinligi xususida ma`lumot beramiz. 

Shu bilan eng kerakli lahzada telefon batareyasi pand bermasligiga ishonch oshadi, asabbuzarlik kamayadi, hayotingiz yanada qulayroq va osonroq bo'ladi. Buning uchun quyidagilarni amalga oshirishga to'g'ri keladi. Ularni qo'llashga bir necha daqiqa kifoya — biroq bu amaliyot iPhone va boshqa smartfonlarning muqobil ishlash vaqtini sezilarli uzaytiradi. 

1.Bluetooth signalini o'chiring

Bu akkumulyator quvvatini tejashning oddiy va yordam beradigan usulidir. Apple Watch soatingiz bo'lmasa, Bluetooth modulini ishlatishdan ma`ni yo'q. 

Bunga qo'shimcha ravishda LTE tarmog'ini o'chiring. Ayrim mamlakatlarda mobil aloqa operatorlari ancha xasisdir. Agar sizning internet trafikingiz oyiga 1-2 Gb bo'lsa, LTE tarmog'iga ulanish nafaqat kerak emas, balki o'chirib qo'yish lozim. 

2.Ogohlantirishlarning bir qismini o'chiring

Ilovalarga telefoningizga ogohlantirishlar yuborishini taqiqlang. Boshqa turdagi axborotlardan ham voz keching. Faqat qo'ng'iroqlar va taqvimni qoldirsangiz yetarli. 

3.Avtoyorqinlik funksiyasini ham o'chiring

Ekranning avtoyorqinligini o'chirish akkumulyatorni tejashning eng yaxshi usullaridan biridir. Smartfon mustaqil ravishda ekran yorqinligini o'zgartirsa, quvvat sarfini kamaytirishning uddasidan chiqib bo'lmaydi. 

Bunga qo'shimcha ravishda oq-qora tartibini ishga tushirish ham mumkin. To'g'ri ko'z o'rganguncha, bu noodatiy tuyuladi. 

4.Yorqinlikni 10−25 foizga o'rnatingSmartfon yorqinlik darajasini mustaqil boshqarmagach, uning darajasini «Sozlamalar»ga kirib, 10-25 foizgacha belgilash mumkin. Aksar hollarda bu yetarli hisoblanadi.

5.«Harakatni kichraytirish» funksiyasini faollashtiring

«Sozlamalar» → «Asosiy» → «Harakatni kichraytirish»ni ishga tushiring. Bu «Uyga» tugmachasi bosilganda animatsiyani kichraytiradi. 

6.3D Touch kerak emas

«Sozlamalar» → «Asosiy» → «Universal kirish» → «3D Touch»ni o'chiring. Chunki ekranni bosishdan vibratsiyaning ishga tushishi ko'p miqdorda energiya talab qiladi. 

7.«Bekor qilish uchun silkitish»ni o'chirish

Smartfonning bu funksiyasidan juda kam hollarda foydalaniladi. Shundan ekan, keraksiz funksiyani o'chirib qo'ygan ma`qul. 

Bunga qo'shimcha ravishda tebranish funksiyasidan ham uni o'chirish orqali voz kechsa bo'ladi. Bu batareyangiz kuchini ancha tejashga yordam beradi. 

8.Aksar ilovalar uchun yangilanishlarni bekor qiling

Ilovalar internet orqali yangilanishlarni qabul qilish yoki qilmasligini boshqara olasiz. Bu ayniqsa Dropbox va Evernote, yoki Google xaritasi uchun qo'l keladi. 

9.Avtobloklanish vaqtini bir daqiqaga o'rnating

iPhone ekrani qanchalik yoniq qolsa, energiya shunchalik ko'p sarflanadi. Uni o'zingizga moslashtirish juda oson. 

10.«Faollashtirish uchun ko'tarish» funksiyasini o'chiring

O'chirilgan ekran quvvatni tejaydi. Shunday ekan, har safar qo'lga olganda uni sarflashning nima keragi bor. Bu funksiya o'chirilsa, yon yoki asosiy tugmacha bosilganda ekran yoqiladi.
 
11.Siri xizmatini o'chiring

Agar siz ovozli xizmatdan doimo foydalanmasangiz, uni o'chirib qo'ygan ma`qul. 

Shu bilan birga quvvatni kam iste`mol qilish tartibini o'chiring. iPhone batareya quvvati 20 foiz qolganida avtomatik ravishda quvvatni kamroq iste`mol qilish tartibiga o'tishni tavsiya qiladi. Biroq bu tartibdan so'ng, akkumulyator quvvati tez kamayishi yoki ba`zan smartfon o'chib qolgani ham kuzatilgan. 

12.Aksar ilovalar uchun geojoylashuvni aniqlash funksiyasini o'chiring

Ko'plab ilovalar foydalanuvchining joyini avtomatik ravishda aniqlaydi. Biroq ilovaning me`yorida ishlashi uchun bu narsa deyarli talab etilmaydi.

Bundan tashqari, Apple kompaniyasiga hisobotlar yuborish xizmatini ham o'chirish maqsadga muvofiq. iPhone dasturiy tizimi har kuni avtomatik ravishda tahliliy ma`lumotlardan iborat har xil hisobotlarni Apple serverlariga yuboradi. Albatta, buning uchun akkumulyator quvvati sarflanadi. 

13.Ilovalarni avtomatik yuklashni o'chiring

«Sozlamalar» →«App Store»ga kirib, barcha avtomatik yuklamalarni o'chiring. Odatda siz yuklashni mustaqil tanlay olasiz. 

14.Ma`lumotlarni Wi-Fi tarmog'ida yuklash faoliyatini ishga tushiring

Bu batareya quvvati tejalishiga jiddiy ta`sir ko'rsatadi. Shundan so'ng, iPhone elektron pochta va taqvim ma`lumotlarini Wi-Fi tarmog'iga ulanganida yuklaydi.

Bu bilan birga suratlarning past sifati tartibini joriy qiling. 

15.Game Center markazini o'chiring

Game Center o'yin ilovasini ishga tushirganda turli axborotlarni ekranga chiqarishdan tashqari, ko'plab batareya quvvatini iste`mol qiladi. 


Комментарии (0) | Добавить: 08.12.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

Kunduzgi uyqu hayot uchun xavfli deb topildi
Nonushtaga banan? Yo‘q, bu xavfli
Oiladagi janjalda uka halok bo'ldi
Ekologik falokatda faqat Rossiya manfaat olishi mumkinligi ma`lum bo'ldi
Tramp Xitoyni “talon-tarojlik”da aybladi
Pxenyandagi parad ko'p yillar davomida ilk marta ballistik raketalar namoyishisiz o'tdi
Olimlar uyqusizlik sabab semirish ehtimoli yuqori ekanligini aniqlashdi
O‘zbekistonda Facebook bilan bog‘liq muammolar fonida mobil VPN ommaviyligi keskin oshdi
Bosh vazir o'rinbosari: «Ayollarga nisbatan zo'ravonlikka chek qo'yaylik!»
Ilonlar qurg'oqchilikdan keyin kamroq, yog'ingarchilikdan keyin ko'proq chaqishi aniqlandi
2019 yilda O'zbekistonda ko'pkari bo'yicha ilk jahon chempionati o'tkaziladi
Mi 8 Pro xalqaro bozorga chiqyapti – u Xiaomi’ning yangi flagmanimi?
Ikki daqiqada uyquga ketish mumkin. Amerikalik harbiylar usuli
“Ular me’yordan chiqishgan”. Olimjon Xudoynazarov “Dizayn” jamoasining tarqalgan audiolariga munosabat bildirdi (video)
Jurnalistlar Trampni sovuq urush uslubida masxara qildi
Saloh Misr terma jamoasi o'yinida 2 gol urib, 2 golga pas berdi va 2 penaltini urolmadi
Rustam Sa’diyev “Baron 2” filmining suratga olish ishlari qaysi davlatlarda bo‘lib o‘tishini ma’lum qildi
«Telegram»ning «klon»i paydo bo‘ldi
Alisher Usmonov tug‘ilgan kunini taniqli oligarxlar bilan Toshkentda nishonlamoqchi
Majburiy mehnatga jalb qilinganlar uchun ishonch telefonlari ishga tushirilmoqda
O'zbekistonda 10 sentabrdan 9 raqamli raqamlash tizimiga o'tiladi
Salbiy kayfiyatda uyg'onish – o'ta xavfli
Shahram G'iyosov navbatdagi raqibini ma`lum qildi. Bu uning faoliyatidagi eng kuchli raqib
Tramp Apple’ga ishlab chiqarishini AQShga qaytarishni tavsiya qildi
Ayrim mahsulotlarni birga iste`mol qilib bo'lmaydi. Shu to'g'rimi?
15 sentabr “Avtomobilsiz kun” aksiyasiga start beriladi
Makgregor UFC chempioni bo'lgan qizga ruhiy jarohat yetkazdi
Pasport yo'qolganda nima qilish kerak
Qanday xodimlarga dastlabki sinov belgilanmaydi?
Facebook ishlamayaptimi: unda sizga VPN yordam beradi