IShID yetakchisi topilgani va qurshab olingani ma`lum qilindi

IShID terrorchilik tashkiloti yetakchisi Abu Bakr al-Bag'dodiyning joylashgan o'rni aniqlandi, deb ma`lum qilgan Iroq bosh vaziri Haydar al-Obodiy France24 telekanaliga.

"U yakkalangan va harakatlanishi cheklangan", deb ma`lum qilgan telekanal al-Obodiyga iqtibos keltirgan holda tvitterda. Iroq bosh vaziri bilan suhbatning boshqa tafsilotlari keltirilmagan. 

Dekabr o'rtalarida Iroq maxsus kuchlari qo'mondoni Fozil Barvariy al-Bag'dodiy Mo'suldagi yer osti bunkerida yashirinayotganini ma`lum qilgandi.

Avvalroq AQSh Davlat departamenti al-Bag'dodiy haqidagi ma`lumot uchun mukofot pulini 25 mln dollargacha oshirgandi.

Asl ismi Ibrohim Avad Ibrohim al-Badriy bo'lgan al-Bag'dodiy birinchi marta ommaviy ravishda 2014 yil iyulda Mo'suldagi masjidda ko'rinish bergan. O'shandan keyin OAVda uning yo'q qilingani haqida bir necha xabarlar paydo bo'lgan, biroq bu xabarlar tasdig'ini topmagan.


Комментарии (0) | Добавить: 07.02.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]