Ислом Каримов: Ўзбекистонда коррупцияга қарши кураш кучайтирилади

11.04.2015

3143

Ўзбекистон Президенти Ислом Каримов 10 апрель куни Олий Мажлис палаталарининг қўшма мажлисида мамлакатда коррупциянинг барча кўринишларига қарши кураш кучайтирилишини билдирди.

"Албатта, коррупцияни дунёдаги ҳеч қайси давлат бутунлай, таг-туги билан йўқ қила олмайди. Шунга қарамай, биз коррупциянинг барча кўринишларига қарши қатъий кураш олиб борамиз”, – деди Ислом Каримов.

Эслатиб ўтамиз, Ўзбекистон коррупцияга қарши курашиш бўйича бир қатор халқаро шартномаларда иштирок этади. Жумладан, 2008 йилда Ўзбекистон БМТнинг коррупцияга қарши конвенциясига, 2010 йилда эса Иқтисодий ҳамкорлик ва тараққиёт ташкилотининг Истамбул Ҳаракат Режасига қўшилди.