Испанияда қояга ўйилган 14 минг йиллик расмлар аниқланди

24.05.2016

1201

Испаниянинг Бискайя вилоятидаги (Басклар мамлакати мухтор вилояти) ғорлардан бирида қояга ўйиб чизилган расмлар аниқланди. Бу ҳақда бу расмларни аниқлаган археолог Диего Гарате маълум қилди. 

Унинг айтишича, гап Берриатуа вилоятидаги турли ҳайвонларнинг ғордаги 70 та сурати ҳақида кетмоқда. Бу суратлар 1934-1935 йилларда испан олими Хосе Мигел де Барандиаран томонидан аниқланган. Eurasia Press агентлигининг маълум қилишича, суратларнинг ёши 14 минг йилни ташкил қилади.  

Гаратенинг айтишича, суратларни эндигина очишга муваффақ бўлинган, чунки керакли жойга етиб бориш мураккаблик қилган: у ғорга қираверишдан деярли 300 метр масофа ичкарида жойлашган. Бундан ташқари, археологнинг айтишича, ғордаги баъзи тирқишлар шунчалик тор бўлганки, улардан судралиб ўтишга тўғри келган. 

Гаратенинг фикрича, "бу ихтиро жуда муҳим" ҳисобланади. У кўпчилик ҳолатларда гап бизонлар ва отлар ҳақида кетиши, бироқ суратлар орасида эчкилар, буғулар ва бошқа ҳайвонларни ҳам учратиш мумкинлигини айтган.

Археологнинг айтишича, ғорни тадқиқ қилиш давом эттирилади. Олимлар бу ғорга хавфсизлик нуқтаи назаридан киришга рухсат беришмаяпти. Бироқ суратларни кўрмоқчи бўлганлар уларни олимлар яратаётган 3D форматда кўрсатувчи махсус дастурда кўришлари мумкин бўлади.