Истанбул аэропортидаги самолёт бортидаги "бомба" ёзуви туфайли парвозга чиқарилмади

23.05.2016

1206

Отатурк номидаги Истанбул халқаро аэропортида Turkish Airlines авиакомпанияси самолёти бортдаги таҳдидона сўз туфайли тўхтатилди ва йўловчилари эвакуация қилинди.

"Экипаж аэропорт ходимларини маҳаллий вақт билан соат 15:50да (Тошкент вақти билан соат 17:30) Қайсари шаҳрига учиши керак бўлган самолёт ҳожатхонасида "бомба" сўзини кўришгани ҳақида хабардор қилган", дейилган авиакомпания маълумотида.

Хабар қилинишича, лайнер йўловчилари эвакуация қилиниб, терминалга олиб борилган. Ҳудудда мутахассислар текширув бошлашган.