Истанбулдаги терактда ҳалок бўлган қиз ҳаётини янгидан бошлаш учун Туркияга борган эди

03.01.2017

1724

Истанбулда Янги йил оқшомида рўй берган терактда ҳалок бўлган россиялик қиз ҳаётини янгидан бошлаш учун Туркияга борган эди, деб хабар берди “Тvzvezda.ru” нашри.

Бу унинг чет элга қилган илк ва сўнгги сафари бўлди.

28 ёшли Нурана Гасанова ҳаётининг сўнгги кунларида Боку шаҳрида яшаган ва ўша ердан Истанбулга учган. Шунинг учун ҳалок бўлганларнинг ҳужжатларини текширган Туркия ҳукумати аввалига уни Озарбойжон фуқароси деб ўйлади. Аммо суруштирувлар натижасида қиз Россия фуқароси эканлиги маълум бўлди.
 
Нурананинг дўстлари унинг чет элга боришни орзу қилганини, бахтсиз муҳаббатини унутиш мақсадида байрамни Туркияда ўтказиш учун Истанбулга учганини гапириб беришди.
 
Эслатиб ўтамиз, Янги йил оқшомида номаълум шахс Истанбул тунги клубларидан бирида одамларга қарата ўт очган. Оқибатда 39 киши ҳалок бўлган, ўнлаб одамлар тан жароҳати олган.