Янги йилнинг биринчи теракти Истанбулда бўлди

2016 йилнинг 31 декабридан 2017 йилнинг 1 январига ўтар кечаси Туркиянинг Истанбул шаҳрида жойлашган Reina тунги клубида теракт амалга оширилди. Бу ҳақда “Haber7.com” нашри хабар бермоқда.
 
Тунги клубда Янги йил байрами нишонланаётган вақтда Санта клаус либосидаги қуролланган шахс клубга кириб, одамларга қарата ўқ уза бошлаган. Истанбул губернатори Васип Шахиннинг сўзларига қараганда, террорчи бир ўзи бўлган, гувоҳлар эса улар кўпчилик бўлганини айтмоқда.  
 
Туркия Республикаси Ички ишлар вазири Сулаймон Сойлунинг маълум қилишича, теракт натижасида 39 киши ҳалок бўлган, 69 киши яраланган. Қурбонлардан 16 нафари хорижлик, 5 таси турк экани айтилмоқда.
 
Расмий маълумотларга қараганда, терактни амалга оширган шахс зудлик билан клубни тарк этиб, автомобилда қочган. “Террорчини қидириш ишлари давом этмоқда. Умид қиламанки, у тез орада қўлга олинади”, дейди Ички ишлар вазири Сулаймон Сойлу. 


Комментарии (1) | Добавить: 01.01.2017
1. Yunus90 (01.01.2017 13:17)
baribir qolga tushasan jinayotlaring jazosiz holmaydi.. Jinayotlaring uchin dozaxda yonasan
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]