Янукович Украинадаги фожиаларда Европани айблади

Украинанинг собиқ президенти Виктор Янукович Украинадаги сиёсий танглик учун Европа барча айбдорликни ўз зиммасига олиши керак деб ҳисобламоқда. У "Минск келишувлари” ҳақида ҳам ўз фикрини билдириб ўтди. "Европалик давлат раҳбарлари Украинанинг амалдаги ҳукумат бошлиғи ва исёнчиларни яраштириб қўйишди. Буни нима деб аташ мумкин? Ахир уларнинг ўзлари 1 йил олдин ҳаммани бир-бири билан уриштириб қўйишган эди. Шунча одамнинг қони тўкилгани учун улар бор айбни зиммаларига олишлари керак”, – дейди Янукович. Собиқ президентнинг айтишича, 1 йил олдин у можароларнинг олдини олиш учун барча чораларни амалга оширган, мухолифат билан келишиш учун тиришган, навбатдан ташқари президентлик ва парламент сайловлари ўтказишга ҳам рози бўлган, аммо бошқалар унинг ишларига халал бергани оқибатида вазият издан чиқиб, у мамлакатни тарк этишга мажбур бўлган. Бироз олдинроқ, Янукович илк имкон пайдо бўлиши биланоқ, ватанига қайтиш истагида эканини маълум қилган эди.

manba: kun.uz