Япония қирғоқлари яқинида тезсузар йўловчи пароми кит билан тўқнашиб кетди

06.02.2016

1482

Япония қирғоқлари яқинида тезсузар йўловчи пароми кит билан тўқнашиб, ўз йўлини йўқотди. Киодо агентлигининг хабар қилишича, қирғоқ ҳимояси хизмати кемалари ёрдамга етиб боришган.

Маълумотларга кўра, паром Атами шаҳри (Сидзуока префектураси) портидан Токиодан 100 километрча масофадаги Идзуосима оролларига йўл олган. Унинг бортида 69 йўловчи ҳамда 5 нафар экипаж аъзоси бўлган. Қайд этилишича, ҳодисадан ҳеч ким шикастланмаган.
Тўқнашув натижасида кемада тешик пайдо бўлиб, сув сизиб киришни бошлаган, бироқ чўкиш хавфи йўқ. Бироқ кема йўлни мустақил давом эттира олмайди. Китнинг тақдири номаълум.

Бу яқин ойларда япон кемаларининг кит билан тўқнашган биринчи ҳодиса эмас. 8 январь куни ҳам Жанубий Кореянинг Пусан портидан Фукокуга йўл олган тезсузар "Beetle" кемаси кит билан тўқнашиб кетган эди. Ўшанда кема бортидаги 180 йўловчининг 4 нафари жароҳат олган.