«Ёмғир остида» — яна бир янги филм, у ўзини оқлайдими?
«Ёмғир остида» — яна бир янги филм, у ўзини оқлайдими?
«Ҳай-Ҳай қизалоқ» фильми продюсери
томонидан янги филм «Ёмғир остида» номи билан яратилди. Мазкур фильмнинг мавзуси — ишончдир! Фильмдаги қаҳрамонлар
ҳаётида юз берадиган воқеалар мана шу мавзу атрофида айланади. Фильм Нилуфар исмли
қизнинг ҳаётидан ҳикоя қилади. Нилуфар табиатан оғир босиқ, дунёқараши кенг қиз.
У Архитектура институтининг талабаси. Оилада онаси
Раъно опа, синглиси Наргиза билан яшайди. Бир пайтлар дадаси уларни ташлаб кетган.
Бу воқеа эндигини ўзлигини англаётган ёш Нилуфарга кучли руҳий зарба берган. Шу
сабабли унда нафақат эркакларга, балки одамларга нисбатан ишонч сўнган. Ёлғизликни
яхши кўради. Унинг оғир характери онаси Раъно опани ташвишга солади. Чунки қиз ҳар
куни арзимаган нарсалар устида онаси билан баҳслашади. Айни шу пайтда Нилуфарнинг ҳаётига, ҳаёт йўли уникидан ҳам оғирроқ
бўлган, лекин ичидаги аламларни ўйин-кулги билан енгувчи қаҳрамон — Дониёр кириб
келади.
Юлдуз Ражабова: ҳаётга ишонч билан яшаш керак экан, агар ишонч сўнса…
Бу филмда ижро этган ролим оилаги йўқотишлар
туфайли ўз қобиғига кириб олган, атроф-муҳитдан ўзини чегаралаб қўйган қиз образини
ижро этдим. Бунда атрофдаги одамларга бўлган ишонч йўқолган бўлиб, филм мобайнида
бош қаҳрамонимиз Дониёр Ҳафизов яратган образи орқали ишонч туйғуси борлигини, бир
одам ёмон бўлса, ҳаммаси ҳам ёмон эмаслигини, беш қўл баробар эмаслигини исботлаб
беради.
Бу яратган образим бошқаларидан тубдан фарқ қилади. Бу қизнинг характери, ўзини тутиши, кучлилиги билан ҳам мени ўзига жалб қилди. Бундан ташқари мавзу жуда ўринли танланган. Дониёр яратган образ ҳам ўзига яраша. У ҳам мана шу дард билан яшайди. Унинг отаси бошқа аёлга кўнгил қўйган бўлади. Хуллас қиз ва йигитнинг дарди деярли бир эди.
Узун сочларимдан айрилдим
Бу филмда мен сочимни кесишга мажбур бўлдим. Бундан ташқари имиджим ҳам бошқаларидан фарқ қилади. Филмда қиз асосан европа стилида кийинади. Лекин Дониёр унга ишонч бера олгандан сўнг ташқаи кўринишига ҳам эътибор қарата бошлайди. Касбимни яхши кўрганим ва яратаётган образим ўзимга ёққанлиги сабабли қўйилган барча талабларни бажаришга чин дилдан ҳаракат қилдим.
Агар
томошабин филмни яхшигина таҳлил қила олса, ўзига керакли хулосаларни чиқариб олади.
Чунки бу филмнинг тарбиявий аҳамияти жуда катта.
Аҳрор Зуфаров (Аҳрор Нурмуҳаммад) Анвар Исмоилов (Сенарий муаллифлари): «Ёмғир остида» барча маъно шу жумла остида ётади
Филм
сенарийсини ёзишдан аввал, унинг режиссёри ва продюсер Ахрор Зуфаров менга мурожаат
қилишди. Яъни ёлғизлик ва ишонч ҳақида филм қилсак дея айтишди. Ўша пайтда филмнинг
тахминий эпизодлари ва воқеалари уларнинг ғоясида ҳам бор эди. Биз мана шу ғоялар
асосида сенарий ёзишни бошладик ва асосий урғуни айнан ёлғизлик ортидан келиб чиқадиган
муаммолар, улар билан курашишга, оддий эмас ички курашишга қаратдик. «Ёмғир остида»
деган ном ҳам размий бўлиб, филмнинг қаҳрамонлар Дониёр ва Нилуфарнинг қалби ёмғир
остида қолган қалб ҳисобланади. Улар мана шу қалбга қуёш нури кириб келишини хоҳлашади.
Мана шу уларнинг йўлини белгилайди. Нилуфар ҳақида гапирадиган бўлсак, унинг исми
ҳам бежиз Нилуфар деб аталмаган. У ботқоқлик ва сув ҳавзасида ўсадиган гул. Қаҳрамонимиз
ҳам қайсидир маънода ботқоқлик орасида қолган. Сабаби, оилавий муаммолари билан
ёлғиз қолган. Ёмғидан кейин булутлар тарқалиб қуёш чиқади. Бундан кўриниб турибдики,
ушбу филм орқали биз томошабинни ғам қайғулардан кейин албатта қувонч келиши, ёруғ
кунлар ҳам борлигини кўрсатиб беришга, инсонларни ҳаётга бўлган ишончини янада мустаҳкамлашга,
орзу қилишдан тўхтамасликка ундадик.
Лола Элтоева: Ўзбек аёлларини бежиз
матонат ва муҳаббат соҳибаси дейишмайди
Бу
филмни бошқача бир назар билан қарайдиган филм деб атасак муболаға бўлмайди. Нимага
деган савол туғилиши мумкин. Сабаби, энг аввало сенарийсида. Филм суратга олиш жараёнида
давомида бир неча бор номи ўзгартирилган бўлса-да «Ёмғир остида» деган номга тўхталишди.
Ўйлайманки, филмнинг ижодий гуруҳи тўғри қарор қабул қилишди. Чунки улар бошқа ижодий
гуруҳларга умуман ўхшамайдиган ижодкорлар бўлиб чиқишди. Биласизми, уларнинг филмга
профессионал ижодкорлардек ёндашиши мени жуда ҳам қувонтирди. Мен ушбу филмда бош
қаҳрамон образини яратган қизнинг онаси ролини ижро этганман. Улар ўртасидаги қарама-қаршиликлар,
зиддиятлар нозик тарзда ёзилган ва ўша ердаги онанинг ҳолатини, ички ҳиссиётини
сиз албатта кўзларидан билишингиз мумкин. Бу аёлнинг ўз муҳаббати, дарди ичида,
қалбида туйиб қўйган жудаям катта орзулари бўлади. Лекин уларнинг ҳаммасини қизига
айтолмайди, сир сақлайди. Мен жуда ҳам қизиқяпман биласизми, мана шу ҳолатлар экранда
қандай кўринаркин ва уни томошабинга қандай қабул қиларкин деган ҳиссиётлар юрагимиздан
ўтяпти. Қилган меҳнатимизнинг самарасини албатта премерада, томошабинга, халққа
тақдим этганимиздан кейингида биламиз.
Рухшона
HORDIQ GAZETASIDA CHOP ETILGAN
[ Регистрация | Kirish ]