"Ювентус" Пирлонинг ўрнига Искони олиб келмоқчи

"Реал" жамоасининг ёш ярим ҳимоячиси Искога "Ювентус" жамоаси томонидан қизиқиш билдирилмоқда.La Gazzetta dello Sport нашрининг хабар беришича, Испания терма жамоасига номзод бўлган 23 ёшли бу футболчи туринликлар томонидан Пирлога муносиб ўринбосар сифатида кўрилмоқда.Бунгача "Ювентус" бу ўринга "Челси" футболчиси Оскарни олиб келмоқчи бўлаётганди.Қайд этилишича, "Реал" Иско билан шартноманинг бир томонлама бузилиши учун 150 млн евро миқдоридаги маблағни белгилаб қўйган.Эслатиб ўтамиз, шу ёзда "Реал"нинг яна бир футболчиси Сами Хедира эркин агент мақомида "Ювентус"га ўтганди.Маълумот учун, Иско ўтган мавсумда "Реал" билан Испания чемпионатининг 34 ўйинида майдонга тушган ва 4 гол уриб, 9та голли пас узатган.