Katta muvaffaqiyatlarga erishganlarning 10 ta ertalabki odati

Hayotida ko'p muvaffaqiyatga erishgan odamlarga xotirjam yashash, baxtliroq bo'lish va yanada unumli ishlashi uchun nima yordam beradi? Ular o'zlari haqida qayg'urishni biladilar. Bunday toifadagi odamlar uyg'onishi bilan ishlari haqida o'ylab ketmaydi. Kunning boshlanish paytini o'zlari uchun ajratadilar.

Xo'sh, ular tongda nimalar qiladi? Keling, shular bilan tanishib chiqamiz.

1. Juda erta uyg'onish

Albatta, vaqt nihoyatda qadrli ne'matdir. Buni tushungan muvaffaqiyat sohiblari sahargi 5:30, 4:30 va hatto 4:00 da turishga odatlanganlar. Ular nafaqat o'z vaqtlari ustidan hukmronlik o'rnatishga, balki haqiqatan muhim ishlarni ertaroq boshlashga shoshadilar. 

Har doim uyg'onadigan vaqtingizdan 15 daqiqa avvalroq uyg'onishga odatlaning. Uyg'onish vaqtingizni har kuni 15 daqiqa ortga surib, sekin-asta erta turishga o'rganing.

2. Mashq bilan shug'ullanish

Ertalabdan jismonan tetik bo'lish uchun biroz yoga va boshqa mashqlar bilan shug'ullaning. Mashg'ulotlar sizni faqat sog'lomroq qilibgina qolmay, irodangizni mustahkamlaydi va stresslarga kurashuvchanligingizni oshiradi. 

Mashq qilish uchun vaqt belgilab oling. Bir soatlik shug'ullanish sizni charchatib qo'yishi mumkin. Shuning uchun 10 daqiqagina yugurish, yurish va raqsga tushish mashqlari bilan shug'ullanishingiz ham mumkin.

3. "Quvvat uchun muddat" soati

Intilishingiz so'nmasligiga hech kim kafolat bermaydi. Shuning uchun doim o'zingizni ilhomlantirib turishingiz zarur. Buni yaxshi bilgan muvaffaqiyatli insonlar o'zlaridagi g'ayratni oshirish uchun anchagina vaqtni bag'ishlaydilar. Axir, siz biror vazifani bajarishda davom etishingiz uchun ruhan tayyor bo'lishingiz muhim-ku!

Bir qancha vaqtni shijoatingizni oshirishga xizmat qiladigan hikoyalar va mashhur insonlarning gaplarini o'qishga yoki "xabardor.uz" saytidagi maqolalarni mutolaa qilishga ajrating.

4. Shukronalik kundaligiga qaydlar qilib olish

Taqdirning sizga atalgan tuhfalarining qadriga etishning o'zi bir baxt. Har kuni shukronalik qilish bilan muzaffar odamlar kelajakka ishonch va ilhomga erishadilar va o'zlarining dunyoqarashlarini yanada kengaytiradilar.

Kuniga hayotingizdan mamnun bo'lishingizga undaydigan bir omilni yozib boring. Kichik g'alabalarni sanab borishga odatlaning.

5. Muhim savolga javob izlash

“Agar bugun hayotingizdagi oxirgi kun bo'lganida ham, kechgacha qilishni mo'ljallayotgan ishlaringizni qilarmidingiz?”

Bu jarangdor va ma'noli savol siz uchun ayni muddao. Agar muzkur savolga hafta davomida bir necha bor “yo'q” deb javob berayotgan bo'lsangiz, demak nimanidir o'zgartirish darkor. Inson o'z vijdoniga qarshi bo'lmagan, o'ziga yoqadigan ish bilan shug'ullanayaptimi yoki yo'qmi? Buni u tongda hal qilib olishi kerak.

6. Qiyin ishni avval qilib olish

Tongda muvaffaqiyatli shaxslarning irodasi ayni uyg'oq pallada bo'lar ekan. Shunday foydalanib, ular o'zlari uchun eng murakkab hisoblangan vazifani bajarib olar ekanlar. Shu yo'l bilan ishni bitirish ancha oson va silliq kechadi. 

Har kun uchun eng qiyin bir vazifani tanlash va nonushtagacha uni bajarishni o'zingizning tonggi odatingizga aylantiring.

7. Turmush o'rtog'i bilan muloqot qilish

Ertalabki soatlardan birini turmush o'rtog'ingiz bilan aloqani tiklash yoki mustahkamlashga ajrating. U bilan rejalaringiz, moliyaviy ahvolingiz va hatto qiziqishlaringiz haqida suhbatlashing. Bu sizga ularning hayotida o'z o'rningizni saqlab qolishga yordam beradi. Ayni tongda fikrlar jamlangan bo'ladi. Shuning uchun er-xotin suhbatini an'anaga aylantirish juda muhim. Hatto haftada bir kunni “nonushta uchrashuvi” kuni qilib belgilash mumkin. Birga yaqinroqdagi biror kafega chiqing va ozgina toza havoda sayr qiling. Bu ikkovingizga ham har tomonlama foydalidir. 

8. Puxta rejani ishlab chiqish

Vaqtingizdan bir necha daqiqasini bugungi kuningiz yo'nalishini belgilab olish uchun bag'ishlamasangiz, qanday qilib kuningiz unumli bo'lishini kafolatlaysiz? O'zingizni hayotdagi maqsadlaringizni bir bor ko'z oldingizga keltirib, oldindagi kunning asosiy vazifalarini ko'rib chiqing. Bunga 10 daqiqa ajratishni odat qilsangiz, ishlaringiz tartibli bo'lishi va kuningiz tushkunliklarsiz o'tishini ta'minlagan bo'lasiz.

9. Miyani “tozalash” va mulohaza yuritish

Sukut saqlang va o'zingizni ichki sokinlik izmiga topshiring. Duo o'qing yoki miyangizni turli yomon fikrlarni chiqarib tashlash uchun meditatsiya qiling. Yodda saqlang, 90 foiz kasalliklar siqilish oqibatida yuzaga keladi. Shunday ekan, ko'nglingizni xira qiladigan narsalarni unuting, xovliqmang va o'zingiz bilan sukunatda biroz vaqt o'tkazing. 

10. Vaqtni bolalar bilan o'tkazish

Farzandi borlar uchun muhim maslahat. “Meni bolam bir pastda katta bo'lib qoldi-ya! U bilan ko'p vaqtimni ham birga o'tkazolmadim”, deb afsuslanadigan ota-onalardan biriga aylanib qolmang Erta tong — o'ylaringiz tarqoq bo'lmagan paytda qizalog'ingiz yoki o'g'lingizga kiyinishga yordam bering, o'zgacharoq nonushta tayyorlab bering. Ularning orzulari haqida suhbat quring. Axir, sizning qilayotgan barcha ishlaringiz oilangiz farovonligiga qaratilgan-ku. Ishingiz oilaviy hayotingizga xalaqit bermasin. 

Yuqorida berilgan 10 odat mashhur biznesmenlar, omadi chopgan mutaxassislar hayotiy tajribasidan olingan. Buni qarangki, ularga qarab yagona bir xulosa qilish mumkin: Hayotingizda ustuvorlik kasb etgan jihatlar uchun ertalablari vaqt ajratishni unutmang!


Комментарии (2) | Добавить: 03.01.2016
2. bekzod11 (05.01.2016 13:10)
ajoyib
1. _Yagona_ (04.01.2016 14:16)
Foydali maslahatlar. Rahmat.
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Apple rasmiy servislarda ta`mirlanmagan smartfonlarni bloklamoqchi
Qozog‘iston kartoshkasi qimmatlab, O‘zbekistonga olib chiqib ketilmoqda. O‘zbekistondagi talab Qozog‘iston kartoshka bozoriga qanday ta’sir
Putin dunyodagi geosiyosiy vaziyatga izoh berdi
Toshkentda yangi haydovchilik guvohnomalarining berilishi 20-oktabrdan boshlanadi
Toshkent, Sirdaryo, Jizzaxda terimchilar bir kilogramm paxta uchun 800 so‘mdan, qolgan hududlarda 700 so‘mdan haq olishni boshladi
Kreml: Putin o'z nomzodini qo'yishi haqida hozircha indamadi
Ishda unumli tanaffuslar tashkil qilishning 5 usuli
Go'sht va baliq narxlari oshmasligi uchun qaror qabul qilindi
O'zbekiston razvedkasi Britaniyadagi musobaqada g'olib bo'ldi
Ko‘proq narsaga ulgurish va kamroq charchashning 5 yo‘li
UZ ma’muriyati Osiyo-Tinch okeani yuqori daraja domenlari assotsiatsiyasiga a’zo bo‘lib kirdi
Buxoroda “balo-qazolardan xalos etish” evaziga 5 ming dollar olgan folbin qo‘lga olindi
MRB Lulu laqabli itni portlovchi moddalarni qidirishni istamagani uchun ishdan bo‘shatib yubordi
Koreyalik mutaxassislar Toshkent aeroportini yaxshilashga yordam beradi
Dunyoda har kuni 5 yoshgacha bo'lgan 15 ming bola hayotdan ko'z yumadi
20 oktabr kuni O'zbekistonda kutilayotgan ob-havo ma`lumoti
Sochi yaqinida o'zbekistonlik xavfli jinoyatchi ushlandi
Odil Ahmedov Osiyo chempionlari ligasi finalida o'ynamaydi
Muhammad payg‘ambar (s.a.v.) sevgan 10 ta oziq-ovqat
Shohruhxon va Asal Shodiyevadan yangi fotosessiya
Apple’ning yangi egiluvchan smartfoni haqida batafsil ma’lumotlar paydo bo‘ldi
Moskva sudi Telegram’ni FXX talabini bajarmagani uchun 14 ming dollar jarimaga tortdi
Ramzan Qodirov shayx Muhammad Sodiq Muhammad Yusuf hazratlari​ning qabrini ziyorat qildi
Qirg'izistonning yangi prezidenti Sooronboy Jeenbekov, uning oilasi va qarindoshlari haqida nimalar ma`lum?
Qanday qilib uyqudan yaxshi kayfiyat bilan uyg‘onish mumkin?
Qualcomm Xitoyda iPhone ishlab chiqarishni taqiqlashni talab qildi
Alisher Usmonov o'z samolyotini O'zbekiston prezidentiga ijaraga bergan
Mirziyoyev elektr energiyasi va tabiiy gaz bo'yicha yig'ilish o'tkazdi
BMT: dunyoda 815 mln odam och qolmoqda
Shakardan voz kechishning 3 usuli