Kechikib bo'lsa-da, yangi bank o'z ishini boshladi


Ўзбекистон Республикаси Президенти Шавкат Мирзиёев жорий йилнинг 24 январида “Ўзагроэкспортбанк” акциядорлик тижорат банкини ташкил қилиш тўғрисида”ги қарорни имзолаган эди.
 
Қарорда “Ўзагроэкспортбанк” АТБ муассислари икки ой муддатда ташкилий масалаларни ҳал этиш, банк устави ва унинг ташкилий тузилмасини, акциялар чиқариш тўғрисидаги қарорни белгиланган тартибда тасдиқлаш ҳамда акцияларни муассислар ўртасида жойлаштириш муддатларини белгилаш юзасидан акциядорларнинг умумий йиғилишини ўтказиш лозимлиги айтиб ўтилган эди.
 
Орадан 6 ой муддат ўтгандан сўнг, Ўзбекистон Республикаси Марказий банки Бошқарувининг қарори билан “Ўзагроэкспортбанк” акциядорлик тижорат банкига операцияларини амалга ошириш ҳуқуқини берувчи лицензия тақдим этилди.
 
Янги банкнинг устав капитали 10 млн евро эквивалентида шакллантирилди. Банкнинг асосий акциядорлари: Ўзбекистон Республикаси Тикланиш ва тараққиёт жамғармаси (75%), “Ўзбекинвест” экспорт-импорт миллий суғурта компанияси (10%), “Ўзагросуғурта” АЖ (5%), “Кафолат СК” АЖ (5%) ва “Ўзбекинвестхолдинг” ХК (5%)дир.
 
“Ўзагроэкспортбанк” АТБ биринчи навбатда мева-сабзавот маҳсулотлари етиштиришни ривожлантириш, унинг зарур инфратузилмасини ривожлантиришга қаратилган инвестиция лойиҳаларини молиялаштириш, дипломатик ва савдо ваколатхоналари билан ҳамкорликда халқаро бозорларга олиб чиқиш каби стратегик дастурлар ишлаб чиқади.


Комментарии (0) | Добавить: 05.07.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]