Krishtianu Ronaldu Messini ortda qoldirib “Oltin to'p”ni qo'lga kiritdi

13.12.2016

3019

13 декабрь куни футбол оламидаги юксак мукофотлардан ҳисобланган “Олтин тўп” соврини соҳиби аниқланди. Бу йил мукофот “Реал” клуби аъзоси португалиялик футболчи Криштиану Роналдуга насиб этди. Бу ҳақда “Eurosport.ru” сайти хабар бермоқда.
 
Роналду учун бу йилги мукофот фаолиятидаги тўртинчи соврин бўлди. Бундан аввал, Криштиану Роналду 2008, 2013 ва 2014 йилда “Олтин тўп”ни қўлга киритган.
 
“Барселона” клуби вакили Лионель Месси эса беш марта мукофотга сазовор бўлишга улгурган. Аммо бу йил Месси иккинчи поғонадан жой олди. “Атлетико” вакили Антуан Гризманн учинчи ўринни банд этди.
 
Криштиану Роналду бу йилги маросимда иштирок эта олмади. Сабаби у “Реал” клуби билан биргаликда Японияда машғулотларда иштирок этмоқда.