ЛАБ ШАКЛИНИ ҚАНДАЙ ЎЗГАРТИРИШ МУМКИН?

Кўзгуга қараб, ташқи кўринишингиздан яна норози бўлаяпсизми? «Табиат Шаҳзодага ато этган табиий ёноқлар-у Анжелина Жолиники каби жозибали лаблар менда ҳам бўлсайди...» дея хўрсинишингиз нимаси? Тўғри, Жолининг лабларига деярли барча аёлларнинг «рашки» келади. Аммо бугун тиббиёт соҳасидаги имкониятлар шунчалик кенгки, лаб шаклини, ҳатто, Жолиникидан ҳам чиройлироқ кўринишга келтириш мумкин. Шошилманг! Ҳамёнингизни қулоғидан чўзишгаю эрингизни лол қолдиришга улгурасиз ҳали. Аввал йўл-йўриқлари билан танишинг.

Мутахассис  пластик хирург  Ҳамидулла АСАДОВ.

«Эртага докторга бораман!»

Лаб шаклини ўзгартириш ҳар кимнинг шахсий танлови бўлса-да, мутахассис томонидан икки хил кўрсатма бўлганидагина, муолажа таклиф этилади. Биринчиси, эстетик жиҳатдан ёндашув, яъни лаб шакли ингичка, юпқалиги, пучқайган кўриниши ҳамда бурчакларининг сўлғин ҳолатда бўлиши ва ушбу аъзога ажин тушишидир.

Иккинчи усул пластик реконструктив операция (муолажа) бўлиб, асосан лабда туғма нуқсонлар, чандиқлар бўлганда лаб кўринишига тузатиш киритилади.

Асосий усуллар қайсилар?

  • Жарроҳлик усулига мурожаат этилиши юқорида таъкидланганидек реконструктив операция (муолажа) бўлиб, масалан, ингичка лабни тери кесимлари орқали катталаштириш ёки лаб бурчаклари тушган бўлса, шаклини ўзгартириш мумкин. Лаб ҳажм жиҳатдан катта бўлганда ҳам операция йўли орқали кичрайтирилади.
  • Жарроҳлик бўлмаган туридан бири биогель ёрдамидаги муолажадир. Биогеллар махсус лабораторияларда синтезланиб, таркибида гиалурон кислотаси бўлади. Аслида, ушбу кислота инсон организми учун бегона эмас. Кичиклигимизда гиалурон кислотасининг фоизи юқори бўлади, улғайганимиз сари эса камайиб бораверади. Биогель ёрдамида лабда юзага келган йўқотишлар ўрнини тўлдириш мумкин. Муолажа 10-15 дақиқа давом этиб, лабнинг маълум қисмларига гель юборилади. Синтезлангани ҳисобига маълум вақтдан сўнг сўрилиб кетади. Зичлиги кам бўлган гиалурон кислотаси 5-6 ойда, зичлиги юқори бўлган қуюқроқлари эса 1-1,5 йилда сўрилади.
  • Ҳам ёғ, ҳам биогель юбориш тури. Ҳозирда самарали натижа кўрсатаётган усуллардан бири. Бунда инсон танасининг маълум қисми, масалан, қорин ёки оёқ сони соҳасидан кичик шприц ёрдамида ёғ олиниб, лабга юборилади. Ёғдан сўнг биогель юборилиши муолажа таъсирини кучайтиради. Бу усулнинг афзаллиги узоқ вақт сақланиб туришидадир. Бир йил давомида гель аста сўрилса-да, ёғ сўрилиб кетмайди. Шунинг ҳисобига муолажа натижаси кўпга етади.

Олтими ой ёки бир йил?

Хоҳишингиз ва коррекциялаш турига кўра олти ой ёки бир йилда бир марта қўлланиладиган усулларни танлашингиз мумкин. Агар бу ёғ+биогель усули бўлса, такрорий муолажа 2-3 йилда бир марта ўтказилиши ҳам мумкин.

Шишлар...

Бўлиши табиий. Чунки лаб соҳаси шиллиқ қаватдан иборат жуда нозик аъзо. Ҳатто лабимизни тишлаб олсак ҳам, салгина шиш пайдо бўлади. Пластик муолажадан кейинги шишлар эса содир бўлиши мумкин бўлган ҳолатлардан.  Аммо хавотирга ўрин йўқ. 1-2 ҳафтада кўрмагандай бўлиб кетасиз. Фақат шифокор тавсияларига амал қилиб, иссиқ ичимлик ичилмаслиги, лабга зўриқиш бермаслик, оғизни кескин ҳаракатлантирмаслик кабиларга риоя қилсангиз бўлгани.

Қарши кўрсатмалар борми?

Қон касалликлари, ҳомиладор ва эмизикли аёлларга пластик жарроҳлик муолажалари тавсия этилмайди. Яна бир муҳим ҳолат, пластик жарроҳлик амалиётлари фақат шифокор косметолог ёки пластик жарроҳ томонидан бажарилиши керак! Бу турдаги муолажа учун зинҳор оддий косметолог хизматларидан фойдаланманг!

Бир марталик иньекциялар...

Реклама эълонларида «бир марталик, арзон, натижаси кафолатланган» каби ёзувларни кўрган бўлсангиз керак. Лаб коррекцияси бўйича бир марталик муолажадан авваллари фойдаланишгани рост. Бундай иньекциялар таркиби силикон ва акрил гелларидан иборат бўлиб, нархи жуда арзон. Қолаверса, инсон организми учун зарари бор. Сўрилмайдиган гель тури бўлган ушбу воситалар йиллар ўтиши билан лабда тугун кўриниши ҳосил қилади. Бу эса ҳунук кўринади.

Бўрттириб юборманг!

Бугун ижтимоий тармоқларда лабини ҳаддан ташқари катталаштирган қиз-аёллар сурати кўпайиб кетди. Бир қарашда юз-кўзидан олдин лабининг чўччайиб туриши сизнинг-ча чиройлими? Тўғри, ташқи кўринишни ўзгартириш ҳар кимнинг ўз диди, фаросати ва дунёқарашига боғлиқ. Аммо меъёрни унутмаслик керак. Бўрттириб юборилган гўзаллик ҳеч қачон қадрланмаган. Аксинча, кулгига олинган, холос.

 


Комментарии (0) | Добавить: 05.10.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Davlat idoralari rahbarlariga muntazam ravishda jurnalistlar bilan uchrashish majburiyati yuklandi
Xitoyda 1,6 trln dollarlik loyihalarga start beriladi
2017 yilda Ukrainadan O'zbekistonga qancha pul yuborilgani aytildi
Umid Ahmadjonov yana bir tashkilot prezidenti etib saylandi
O'zbekistonda Facebook ishlamay qoldi
Kechiktirib bo'lmaydigan tibbiy yordam ko'rsatishni rad etganlik uchun qanday jarima belgilanadi?
Umid Ahmadjonov O‘zbekiston milliy termasining bo‘lajak bosh murabbiyi bilan uchrashish uchun Dubayga uchib ketdi
Ravon brendi 2017-yil bo‘yicha Sibirda eng ko‘p ro‘yxatdan o‘tkazilgan avtomobilga aylandi
“Suzuk ota” majmuasi 2018-yilgi mustaqillik bayrami arafasida foydalanishga topshiriladi
Jahon iqtisodiyoti xakerlar sababli 600 mlrd dollarlik ziyon ko'rdi
Bojxona qo'mitasining yangi raisiga yangi o'rinbosar tayinlandi
Markaziy Osiyodagi eng korrupsiyalashgan davlat ma`lum qilindi
Qashqadaryoda yuziga niqob kiygan shaxslar omborxonaga hujum qildi
Qozog'iston lotin alifbosiga o'tdi
Saudiya Arabistonida bouling va bilyard-klublar ochishga ruxsat berildi
Qo'shni respublikalar bilan tinchlik-totuvlikda yashash kerak – Sooronbay Jeenbekov
Xitoyda grippga qarshi yangi vaksina yaratildi
Kartoshka bojxona to'lovlaridan ozod etildi
La Liga. "Real" safarda qiyin g'alabaga erishdi
Dunyodagi eng ulkan oltin koni
Chilim va elektron sigaretlarni qonun yo'li bilan taqiqlash vaqti yetmadimikan?
«Kerak bo'lsa stolbani ham olib borib qamardi». Prezident yana MXXning kirdikorlari haqida gapirdi
Messi yana bir ko'rsatkich bo'yicha «Real» futbolchisi rekordini yangiladi
Tramp «ruslar bilan band bo'lgan» FQBni jiddiy aybladi
Kim Chen Inning rafiqasi haqidagi ma’lumotlar
Япониялик аёл фарзандини видео ўйинлардан ҳимоя қилиш йўлини ўйлаб топди
“Ичкарида”ги Селал — Четин Текиндор
Umid Ahmadjonov: “Futbolchi o'z ustida ishlashi shart, aks holda unga litsenziya berilmaydi”
Moskvada 2021-yilgacha 50 ta yangi metro bekati ochiladi
“O‘zbekneftegaz” va Jizzakh Petroleum Ai-95 narxini o‘zgartirdi