Луис Энрике: «Жамоа қийинчиликларни қандай енгиб ўтишини кўришни истайман»

«Барселона» жамоаси бош мураббийи Луис Энрике Испания чемпионатининг навбатдаги турида «Реал Сосьедад»га қарши учрашувдан (0:1) кейин фикрларини билдириб ўтди.

«Ўйин жуда ёмон бошланди. Биринчи бўлимда шунчаки жуда ёмон ўйнадик. Жамоа эҳтирос билан ҳаракат қилди ва совуққонликни йўқотди. Иккинчи таймдаги ўйинимиз менга ёқди.

Биз бу ўйинда мағлубиятга учраганимиз адолатдан бўлмади. «Барселона» ҳалиям чемпионат пешқадами бўлиб қолмоқда.

Энди бизнинг хато қилишга ҳаққимиз йўқ. Кейинги 2 ўйинда биз яхши ҳаракат қила олмадик.

Чемпионатни мавсумнинг охирги қисмини яхши ўтказган жамоа ютади. «Валенсия»га қарши ўйинда «Камп Ноу» мухлисларимиз билан тўла бўлишини истайман.

Рақиб жудаяхши ҳимояланди. Биз яхши вазиятлар яратдик, аммо улардан фойдалана олмадик. Баъзида омад келмайди.

Мен жамоамиз бундай қийин вазиятдан қандай қилиб чиқиб кетишини томоша қилмоқчиман. Биз нима иш қилишимиз кераклигини яхшилаб ўйлаб олишимиз керак», – дейди Энрике.

Айни дамда каталонияликлар 76 очко билан Испания чемпионатида пешқадам бўлиб турибди. Иккинчи ўринда бораётган «Атлетико» ҳисобида 73, «Реал»да эса 72 очко мавжуд.


Комментарии (0) | Добавить: 10.04.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]