loading...

 

Mansab pillapoyalaridan yuqori odimlashda qo'l keladigan 8 maslahat

iz anchadan beri ofisda ishlaysizmi? Mansab pillapoyasida ko'tarilish bo'lishini kutyapsiz, biroq bu amalga oshmay turibdi va nima qilishga boshingiz qotdimi? Siz uchun maxsus - mansab pillapoyalaridan olg'a intilishga yordam beruvchi foydali maslahatlar.
Avval ham karera borasida o'sishga to'g'anoq bo'ladigan xatolar haqida eshitgan bo'lsangiz kerak. Biroq ishda tezlik bilan “ko'tarilish” uchun ham muayyan qadamlarni amalga oshirish ham kerak bo'ladi. Ulardan ba'zilaridan xabardorsiz, boshqalari esa siz uchun yangilik bo'ladi. Bu maqolada mansab pillapoyalaridan yuqorilash uchun qo'l keladigan oddiy maslahatlar keltirilgan. Agar mazkur qadamlar amalga oishirilmasa, yuqoriga olib boradigan yo'l cho'zilib ketishi mumkin.

1. Odamlarni tinglashni biling

 Befoyda suhbatlarda imkoni boricha kamroq ishtirok etishga harakat qiling va ularning tashabbuskori ham bo'lmang, biroq ishga doir muloqotlarda aksincha ko'proq ishtirok eting. Ishoning, jim turganingizda va aytilganlar haqida mulohaza qilayotgan vaqtingizda aqlliroq ko'rinasiz.
Diqqat bilan tinglashni bilish kerak, buni ob'ektiv ravishda amalga oshirishga harakat qilish va suhbatdoshingiz sizga etkazmoqchi bo'lgan masala va uning sababini anglash lozim. Zarur bo'lganidagina gapirishga o'rganing. Suhbat paytida esa sizga qiziqarli hikoyani so'zlab berishayotgandek quloq soling.

2. Ishtirok eting

Hamkasblaringizda echib bo'lmas murakkablik yuzaga kelsa, o'z yordamingizni taklif eting. Agar uni qanday hal etishni bilmasangiz, unga mazkur masala echimi uchun resurs topishga ko'maklashing, o'z yog'ingizda o'zingiz qovurilmang. Shunday qilsangiz, o'zgalarning sizga bo'lgan hurmatiga sazovor bo'lasiz, shuningdek bebaho tajriba orttirasiz.
Bu norasmiy korporativ ishlarga ham tegishli: bayramlar, tug'ilgan kunlar, hamkasblarning boshiga musibat tushgan vaqtlar. Ishtirok eting, tashkil etishga yordamlashing, kishilarni qiziqtiring. Noramiy etakchiga aylaning, biroq bunga juda kirishib ham ketmang, ba'zi hollarda xodimlar yaxshi “jamoatchilarga” aylanish bilangina cheklanib qolishadi.

3. Rivojlantiradigan kitoblarni o'qing

Ekpert istalganicha bo'lishi mumkin (doktor Xausni esga olamiz), biroq rahbar tenglar ichida eng yaxshisi bo'lish bilan bir qatorda, ochiq, ya'ni qo'l ostidagilarni eshitib, ularni tushunishi va o'z vaqtida “yo'q deyishi”, ko'p vazifalilik rejimida ishlashni bilishi va turli vaziyatlarda “chiqish yo'li”ni topa olishi lozim.
Shuning uchun o'qishga, ko'proq o'sish uchun esa ko'proq o'qishga to'g'ri keladi: psixologiya, rag'bat, boshqaruv, ta'sir ko'rsatish, notiqlik, vaqtni rejalashtirish. Yiliga 15-20 ta kitob o'qish yomon ko'rsatkich emas va buning imkoni bor.
Shuningdek o'zining boshqaruv ko'nikmalarini rivojlantirishga oid bo'lgan treninglarda ishtirok etish ham yaxshi natija beradi, bunda amaliy dasturiga ega bo'lganlari ayniqsa ahamiyatlidir. Bir yilda kamida 2-3 treningda qatnashish lozim, kimdir shunday taklif bilan chiqishini kutib o'tirmang.

4. Xatolaringizni tan oling

Eng kerakli bilim va tajribani biz afsuski shaxsiy xatolarimiz tufayli olamiz. Ishlayotgan vaqtimizda har bir muvaffaqiyatsizlik yorqin karera yakunidek bo'lib ko'rinadi. Aslida esa bu bebaho saboqlar bizni keyingi qaror va qo'yilgan maqsadlarimizga diqqat bilan munosabatda bo'lishga undaydi.
Ko'pgina odamlar odatiy hayotda quyidagilar bilan shug'ullansalar yomon bo'lmas edi: manmanlik va o'zingizning muhimligingizni mo''tadillashtiring, xatolaringizni tan oling, ularni tushuning, tahlil qiling va keyinchalik takrorlamang.
Qarorlar va javobgarlik qabul qilishdan o'zini soqit qilish maqsadida xodimlar ko'p hollarda hech qanday harakatni amalga oshirmaydilar yoki ishni to'liq hajmda bajarishmaydi. Biroq bir yaxshi psixologik usul mavjud: “Men xato qilishga haqliman, hatto buyuklar ham xato qilganlar, ular oldida men kim bo'libman”. Xato qilishdan cho'chimang, o'z kamchiliklaringizni takrorlashdan qo'rqing. Doimo harakatda bo'ling!

Ishdagi xatolaringizni hech qachon yashirmang, buning uchun jazolanishingizni bilsangiz ham. Berkitilgan narsa doim oshkor bo'ladi. Agar siz berkitayotgan xato salbiy oqibatlarga olib kelsa, bundan yomonroq bo'ladi. Sizning xodim sifatidagi obro'yingizga batamom putur etadi. Yaxshisi xatoingiz haqida rahbariyatni boxabar qiling va agar iloji bo'lsa, uning to'g'irlash yo'llarini taklif eting.

5. Ishni bajarishga jon-jahdingiz bilan kirishing

Vazifani o'zingiz uchun bajarayotgandek amalga oshirishga harakat qiling. Sizdan kutayotganlaridan ko'ra ko'proq, 110 foizga bajaring.
Vazifaning chegaralarini o'rganib, unga yangilik kiriting. Balki uni kechikibroq bajararsiz, biroq o'zgalarni o'z yondashuvingiz va natijangiz bilan lol qoldirasiz!
Yodda tuting, hamma narsa sizga bog'liq emas, biroq bor kuchingizni sarflashga majbursiz. Ushbu xususiyatingiz o'zgalar tomonidan qadrlanadi.

6. Odamlarni ruhlantiring

Odamlarga ular ko'proq narsalarga erishishlari mumkinligi, xatolar esa vaqtinchalik ekanligini ayting. Ular bilan suhbatda haqgo'ylik, mehnatsevarlik, shaxsiy rivojlanish, javobgarlik mavzularini muhokama qiling. Ularga pul doim ham eng muhim narsa emasligi, undan boshqa qadriyatlar ham borligi to'g'risidagi fikrni etkazishga harakat qiling. Hech nimaga qaramay, odamlarni olg'a intilishga rag'batlantiring, ana shunda siz qo'llab-quvvatlanasiz.

7. Barcha narsada mas'uliyat

Javobgarlikni o'z bo'yningizga oling, uning yukini ko'taring, hech qachon engilmang. Albatta, siz charchashingiz mumkin, dav oling va yana olg'a yuring. Odamlarga barcha ishda mas'ul shaxs yonida bo'lish yoqadi: u o'z vaqtida ishga keladi, ishlarni yakuniga etkazadi, ko'rinishi yaxshi, o'z hissiyotlarini nazorat qiladi, unga ishonganlarni tashlab ketmaydi.
Jamoadagi ishonch kafolatiga aylaning. 
Asosiysi – o'z so'zingiz va ishingiz uchun o'zingiz javob bering.

8. O'zingizga ustoz toping

Mansab pillapoyalaridan sifatli odimlash uchun o'zingizga ustoz toping. Bu sizning rahbaringiz, qo'shni bo'lim rahbari yoki do'stingiz bo'lishi mumkin. Undan o'rganing, unga xatolaringizni ko'rsatishini ayting. Unga boshqaruv texnologiyalari to'g'risida savollar bering – unda siznikiga qaraganda tajriba ko'proq.
Rahbarning yo'li - oson yo'l emas, doimiy ravishda o'zingiz uchun qulay bo'lgan zonadan chiqishingiz, murakkab qarorlar qabul qilish va ular uchun javobgarlikni o'z bo'yningizga olishga to'g'ri keladi.
Rahbar yo'lining yaxshi tomoni - o'zingizni shaxs sifatida rivojlantirishingiz, shu bilan birga mansab pillapoyasidan odimlashingiz kerak bo'ladi. Yodda tuting, rahbar bo'lib tug'ilishmaydi, rahbar bo'lib etishiladi.


Комментарии (1) | Добавить: 20.12.2015

1. Dior_studio (21.12.2015 17:27)
Zo'ru
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Yer aholisi 26 fevralda antiqa astronomik hodisa guvohi bo'ladilar
Shavkat Mirziyoyev Qashqadaryo viloyatiga tashrif buyurdi
Markaziy bank: Plastik karta egalari uchun qarz olish xizmati joriy etiladi
Erkak kishi uchun hech qachon qilmaslik lozim bo`lgan 6 narsa
2020 yilgacha Yevropa Ittifoqiga birorta davlat qo'shilmaydi
“Farg‘onaazot”da portlash yuz berdi. Qurbonlar bor
Qahva va energetiklar o‘rnini bosadigan tetiklashtiruvchi ichimliklar
Google kompaniyasi Uber’ni sudga berdi
Yangilangan “g'isht” Nokia’ning o'ziga xos jihatlari oshkor bo'ldi
Yerga o'xshash yana yetti sayyora aniqlandi
Sobiq ittifoqning birinchi va so'nggi prezidenti Germaniyadagi villasini sotuvga qo'ydi
Skype’ning "yengillashtirilgan" versiyasi taqdim etildi
Xorazmda GM Uzbekistan xodimlari hibsga olindi
Instagram 10ta suratni 1ta postda chiqarish imkonini yaratdi
Urganch-Xiva temir yo'li qachondan ishga tushirilishi ma`lum bo'ldi
Toshkent shahrida pensionerlarga bir oyda jami qancha naqd pul to‘lanadi? Javob — bitta rasmda
O'zbekistonda spays narkotik moddaga tenglashtiriladi
O'zbekistonda xorijiy tillardagi yangi telekanal ochiladi
O'zbekistonda yangi sud: u yerga davlat organlari va ularning mansabdor shaxslari ustidan shikoyat qilish mumkin
Islom Karimov haqida badiiy film suratga olinadi
Chor Minor - Chor minor chor atrofi suv minor
Nega ayollarning erkaklarga nisbatan do'sti ko'p?
Samsung ta’mirlangan Galaxy Note 7 smartfonlarini sotuvga chiqaradi
Haqiqiy iPhone’ni qalbakisidan qanday ajratish mumkin?