Mashhur logotiplarning yashirin ma'nolari

$IMAGE$

  Севимли компаниямизнинг кўркам логотипи ўзида биз билганимиздан кўра муҳимроқ маъноларни мужассам этган бўлиб, уларни ўзимиз учун кашф этиш ҳар доим қизиқ бўлиб келган. Маълум бўлишича, логотипдаги чизиқнинг сезилмас йўғонлиги, узунлиги ёки унинг ранги ўта муҳим аҳамиятга эга. Сайтимиз ижодкорлари юқорида тилга олинганидек яширин маънога эга 15 та логотипни эътиборингизга тақдим этмоқда. Уларда биз авваллари пайқамаган маънолар мужассам. Диққатингизни ушбу логотиплар кетма-кетлигига қаратамиз.

Hyundai

1. Жуда ҳам кўпчилик Корея автомобиль компанияси "Hyundai”нинг логотипи унинг "бош ҳарфидаги "Н”ни англатади” деб фикрлайдилар. Аммо аслида эса "Н” ҳарфи бир-бирини қўлларини сиқиб турган икки киши (бир тарафдан мижоз ва иккинчи тарафдан компания вакили)ни англатади.

Adidas

2. "Adidas” тармоқли спорт дўконларининг номи унинг асосчиси Адольф Дасслернинг номидан келиб чиққан. Логотиб кўп бор ўзгартирилган. Аммо унда ҳар доим уч чизиқ алоҳида ўрин эгаллаган. Бугунги кунга келиб чизиқлар қия қилиб учбурчак шаклида тасвирланган бўлиб, тоғни эслатади. Бу рамзий тасвир спортчилар қаршисидаги забт этилиши лозим бўлган тўсиқларни англатади.

Apple

3. Роб Янов барчамизга маълум "Apple” логотипини ўйлаб топган: "Мен бир халта олмаларни сотиб олиб, уларни товоқчага солдим. Деталларини соддалаштириш учун уларни хафта давомида қоғозга муҳрладим”. Олмадаги тиш изи ҳам тадқиқотнинг бир қисми эди. Тасодифан байт — "bite” яъни ингилиз тилида тишламоқ маъносини англатувчи сўз компьютер атамаси "байт”га мос келиб қолган.

Sony Vaio

4. "Sony Vaio” логотипидаги иккита бош ҳарфлар тўлқинсимон ёзилиб, аналогли сигнални англатади. Охирги икки белги 1 ва 0 эса рақамли сигнални ифодалайди.

Amazon

5. "Amazon” логотипи бир қарашда хеч қандай маълумотни ўзида мужассам этмагандек кўринади. Аммо логотип бренд фалсафасини англашга ёрдам беради. Сариқ чизиқча бир қарашда табассумни эслатади. Бу билан Amazon.com мижозлар мамнун бўлишини хоҳлашини ифода этади. Шунингдек, сариқ чизиқ "А” билан "Z” ҳарфларини бирлаштирган. Гўё дўконда ипидан игнасигача барча нарса мавжуд, деган маънога ишора қилинган.

Baskin Robbins

6. BR ҳарфларидаги пуштиранг қисмлари 31 рақамини англатади. Яъни "Baskin Robbins” музқаймоқларининг таамлари худди шунча миқдорда.

Toyota

7. Жуда кўпчилик Япония автомобиль ишлаб чиқариш корпорацияси бўлмиш "Toyota” логотипини, бошида шляпа кийган ковбой тасвирига қиёслашса ажаб эмас. Аммо аслида логотипда игнанинг ип ўтказадиган кўзи ифодаланган. Бу компания тарихда тикув дастгоҳларини ишлаб чиқариш билан фаолият олиб борганлиги билан боғлиқ. Шунингдек, логотипга диққат билан назар солинса, айланаларда "Toyota” сўзидаги ҳарфларни ҳам илғаш мумкин.

Continental

8. "Continental” автомобиль шиналарини ишлаб чиқариш билан шуғулланади. Бунинг ифодасинин "Continental” сўзининг икки бош ҳарфларида ҳам кўриш мумкин. Логотип ҳарфлари автомобиль шинаси кўринишида тасвирланган.

Formula 1

9. Агар синчковлик билан логотипдаги F ҳарфи билан қизил чизиқлар ўртасидаги оқ бўшлиқга назар солинса бир рақамини кўриш мумкин. Логотип тезлик хиссини тасвирлаб тургандек гўё.

Pinterest

10. Таниқли интернет-сервиз "Pinterest”нинг логитипида "Р” ҳарфи "оёқчаси” доска тахтасига керакли маълумотларни қистириб қўйиш учун мўлжалланган игнага ўхшаш қилиб тасвирланган. Бу билан компаниянинг сайтидаги сизга ёқган расмларни ўзингизнинг интернетдаги онлайн доскангизга қистиришгизга ишора этилган.

Beast

11. Мусиқага оид техникаларни ишлаб чиқарувчи Американинг "Beast” компаниясининг логотипидаги "B” ҳарфи қулоқчин тақиб олган инсоннинг бошини тасвирлайди.

Toblerone

12. "Toblerone” Швейцариянинг Берн шаҳрида шоколад ишлаб чиқариш билан шуғулланувчи компаниядир. Бу шаҳарни айиқлар шаҳри деб ҳам атайдилар. Ана шунинг учун "Toblerone” логотипидаги қояларда айиқнинг тасвири туширилган. 

BMW

13. "BMW”нинг тарихи авиацияга бориб тақалади ва компания логотипи ўз тарихига содиқ қолган. "BMW” логотипидаги марказидаги оқ ва кўк рангли белгилар айланаётган парракни ифода этади” деган фикрдагилар кўпчиликни ташкил этсада, аслида логотипда Бавариянинг байроғи тасвирланган. Маълумки, Бавария байроғи катаклардан иборат. 

LG

14. Жанубий Кореянинг электр техника ишлаб чиқарадиган "LG” компаниясининг логотипида табассум қилиб турган инсон тасвирланган. Компаниянинг расмий таърифига кўра бу логотип компания мижозларнинг барчасига инсоний муносабатда бўлинишини ифода этади. Шу билан бирга тармоқда мана неча йилдирки "LG” логотипи машҳур компьютер ўйинидаги Pac-Man қаҳрамонига қиёсланади.

Evernote

15. Филлар бетакрор эслаб қолиш қобилияти билан машҳур. Ушбу жонивор турли чеҳралар ва ҳолатларни эслаб қолиши исботланган. Айнан шунинг учун "Evernote” қайт этиш хизмати логотипида фил расми акс эттирилган. Логотипдаги фил қулоғининг бурчаги китоб варағини қайириб қўйилганидек тасвирланган. "Evernote” қайтлари билан хеч нимани унитмайсиз.

Coca-Cola

Баъзи логотипларда тасодифий яширин маънони ифода этувчи белгилар ҳам учраб туради. Аммо бу жуда ҳам кам учрайдиган холатдир. Масалан машҳур Coca-Cola даги "O” ва "L” ҳарфлари оралиғидаги Дания байроғини кўришимиз мумкин. Компания ушбу тасодифий белгидан Даниядаги навбатдаги реклама чоғида фойдаланган эди.

Сарвар Исҳоқов тайёрлади.


Комментарии (5) | Добавить: 27.08.2015
2. _-Elbek-_ (28.08.2015 00:14)
Coca Colani ta'rifi yoqdi rostdanam shunday))
1. bekmami (27.08.2015 22:50)
ажойиб, таьрифга тил ожиз
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Babayan Tailand va Eronga qarshi o'yinlarga jalb etilgan futbolchilarni e`lon qildi. Yangi nomlar bor
Davlat test markazi rahbari o'zgardi
«Barselona» yangi formasini namoyish etdi
Toshkentda “Captiva” va “Prado” avtomobillaridan 7 mln so'mdan ortiq mol-mulkni o'g'irlagan shaxs ushlandi
Noutbuk xarid qilayotganda 10 ta ommaviy xato
Aholi soni bo'yicha Xitoy ortda qoldirildi
Nokia 9 rekord darajadagi operativ xotiraga ega bo‘ladi
Samsung suv tushishidan himoyalangan Galaxy Feel smartfonini namoyish qildi
1 iyundan boshlab "GM Uzbekistan" barcha avtomobillari so'mda sotilishi yo'lga qo'yiladi
Toshkentda oq qulupnay sotilmoqda
Yaxshi tayyorgarlik ko'ra olmagan Jahongir Otajonovning konsertni qanday o'tdi
Chiroyli sochlarning 5 dushmani
Tirsak va tizza terisiga yoshlikni qaytarish usullari
Forbes eng serdaromad futbolchilar kimligini ma`lum qildi
Chempionlar ligasi finali ilk bor tomi yopiq stadionda o'tkaziladi
Balotelli: "Oltin to'p"ni yutishim uchun Messi va Ronalduni o'ldirishim kerak
Shoygu o'zbekistonlik hamkasbiga G'alaba Bayrog'i nusxasini topshirdi
Organizmni tozalashga yordam beruvchi mahsulotlar nomi ma`lum qilindi
Ofis xodimlari uchun oddiy mashqlar to‘plami
Ertalabki shoshma-shosharlikni yengishning 9 ta yo‘li
Ramazon oyida to'g'ri taomlanish uchun foydali maslahatlar
TOP-7: Eng qimmatbaho mobil telefonlar
Samsung allaqachon «Star» nomli Galaxy S9 ustida ish boshlagan
Joriy yil uchun zakot, fitr sadaqa va fidya miqdori belgilandi
Tvorog insult va infarktning oldini olishda foydali
Internet orqali mahsulot xarid qilishda ehtiyot bo'ling
Markaziy bank boshqaruvi kimga o'tdi?
Usmonov Navalniyga qarshi: Shovqin kuchaymoqda
Ronalduga ancha ko'proq muddatga qamoq jazosi tahdid solmoqda
Sizga yoqmagan odamlar bilan qanday ishlash kerak?