Medvedev o'qituvchilarga: «Maoshingiz Yetmayaptimi? Unda biznes qiling»

04.08.2016

1731

Rossiya bosh vaziri Dmitriy Medvedev fuqarolar bilan o'tkazilgan uchrashuvda yana bir bor barchaning e`tiborini o'ziga qaratdi.

O'ziga hos forum davomida dog'istonlik universitet o'qituvchisi Medvedevga shunday savol bilan murojaat qildi: «Dmitriy Anatol'Yevich, men Dog'iston davlat universitetida o'qituvchi bo'lib ishlayman. Maoshim 15 ming rubl'. Militsiya hodimlari esa 50-60 ming olishadi. Ular odamlar qilgan jinoyatlarni bartafar etishadi. Bizning ish undan ham muhim deb o'ylayman. O'qituvchi o'sha jinoyatlarning umuman bo'lmasligini ta`minlay oladi. Shu sabab o'qituvchilarning maoshlari kam emasmi?».

Bu savol Medvedevga unchalik ham hush yoqmadi va Dog'istonga salom yo'llagan ko'yi savolga javob berdi: «Birinchidan, militsiyaning ishi mas`uliyatli va havfli. Har kim bu ishni eplay olmaydi. Shu sabab ularning maoshlariga tegmaylik. O'qituvchilik haqida gapiradigan bo'lsak, men o'qishni endi bitirgan vaqtim o'qituvchilik ham qilganman. O'shanda 90 rubl' olardim. Ichki ishlar hodimlari esa 250 olishardi.

Menimcha, kuch-quvvatga to'la o'qituvchi uchun pul muhim bo'lsa, u qo'shimcha daromad olishga harakat qilsa bo'ladi. Men pul topish mumkin bo'lgan ko'p joylarni bilaman. Masalan, biznes. Siz hali biznesda o'z omadingizni sinab ko'rmagansiz chog'i?..».