Meizu kompaniyasi 18X9 ekranli yangi M6S smartfonini rasman namoyish etdi. Uning diagonali 5,7 dyuymni, o'lchamlari esa 1 440 × 720 pikselni tashkil qildi. Shu qaror tufayli displey ostidagi an`anaviy tugma yo'qoldi. Endi u ekranning pastki qismidan joy olgan oddiy ko'k rangdagi krujka ko'rinishidagi elementdir. U tizimda turli xatti-harakatlarni amalga oshirish uchun oddiy ta`sirlar, kuchli bosim va svayplarni taniy oladi.
Barmoq izlari skaneri smartfonning yon tomoniga ko'chirilgan, tovushning baland-pastligini sozlovchi klavishlar esa - chap tomonda. Smartfon korpusi metalldan ishlangan, old panel to'liq 2.5D shisha bilan qoplangan. Qurilmaning ishlashi uchun Samsung Exynos 7872 protsessori javobgar. Operativ xotira hajmi 3 Gb'ni, ichki xotira esa versiyasiga qarab 32 yoki 64 Gb'ni tashkil qiladi.
Akkumulyator sig'imi — 3 000 mA·s. Atigi yarim soatda 52 foizga to'ldiruvchi tezkor zaryad bilan qo'llab-quvvatlanadi. Smartfondagi asosiy kamera - 16 Mp, selfi-kamera esa - 8 Mp. Meizu M6S qurilmasi OneMind AI sun`iy intellekt tizimini o'z ichiga olgan Flyme 6.2 bazasida ishlaydi.
Meizu M6S'ning Xitoydagi narxi 999 yuan (taxminan 155 dollar)dan boshlanadi. Smartfonning boshqa mamlakatlardagi narxi va uning qachon sotuvga chiqishi hozircha noma`lum.