У нас есть только
оригинальные песни

Мексикадаги тўфонда 50га яқин инсон ҳалок бўлди

calendar 10.08.2016
899

Мексика узра ҳукм сурган "Эрл" тропик тўфони қурбонлари сони 49 нафарга етди, деб маълум қилган мамлакат фуқаро мудофааси миллий мувофиқлаштирувчиси Луис Фелипе Пуэнте.

Асосан, Пуэбла, Веракрус ва Идальго штатлари фуқаролари азият чеккан. энг кўп ҳалок бўлганлар Пуэбла штатига тўғри келиб, бу ерда 35 киши қурбон бўлгани хабар қилинмоқда. Аввалроқ, табиий офат туфайли 46 кишининг ҳаётдан кўз юмгани ҳақида маълум қилинган эди. Улар, уйларида жон сақлаётган вақтда кўчки остида қолиб кетишган. 

Шу билан бирга, ҳозирча қидирув-қутқарув ишлари якунлангани йўқ. Қутқарувчилар кўчки содир бўлган жойларда фаолиятларини давом эттиришмоқда. Пуэнтенинг айтишича, 35 киши бедарак йўқолган ҳисобланмоқда. Яқин орада, табиий офатдан талофат етган ҳудудларни кўриш учун Уаучинанго шаҳрига Мексика президенти Энрике Пенья Ньето ташриф буюради.

Яндекс.Метрика