«Мен севаман, сен севасанму?» Муносабатларингиз қанчалик мустаҳкам?

Ҳис-туйғуларингиз вақт ҳамда тақдирнинг синовларига бардош бера оладими? Бу саволга тўғри жавоб олиш учун севишганларнинг муҳаббатга бўлган муносабатларини аниқлаш талаб этилади. Келинг, бир уриниб кўрамизми?!

Бу тестни суйганингиз билан биргаликда ечишни тавсия этамиз. Ҳар иккингиз бир варақ оқ қоғоз ва қалам олинг. Ёрингиз саволларни овоз чиқариб ўқиса, сиз уларнинг рақами ва ҳар бирининг қаршисига «ҳа» ёки «йўқ» деб ёзиб чиқинг. Агар саволга нима деб жавоб беришни билмасангиз, сўроқ белгисини қўйинг. Асло бир-бирингизни жавобларингиз билан қизиқманг, уларга изоҳ берманг ёки талаб қилманг! Ана шундагина тестнинг натижаси ҳақиқий саналади.

  1. Сизнингча, муҳаббат бобида биринчи қадам эркак томонидан бўлиши керакми?
  2. Уни хурсанд этгувчи ишлар (сабабсиз кичик ҳадялар бериш, самимй мақтовларни айтиш)ни тез-тез бажариб турасизми?
  3. Атрофингизда бошқа инсонлар бўлганида ҳам, севгилингизга меҳрингизни уялмай кўрсата оласизми?
  4. Айнан бир-бирингиз учун яралганингиз ҳамда сизнинг жуфтлигингиз идеал эканлигига ишончингиз комилми?
  5.  «Жўш уриб турган ҳис-туйғулар вақт ўтиши билан совийди ва муҳаббат шунчаки одий ҳолатга айланади», деб ҳисоблайсизми?
  6. Агар турмуш ўртоғингиз билан ўртангизда муҳаббат йўқолса, оилани болалар ёки бошқа бирор сабаб учун сақлаб қолармидингиз?
  7. Ёрингизга ҳисларингизни очиқ-ойдин айта оласизми, аниқроғи тез-тез «Сени севаман!» деб?
  8. У сиз учун дунёдаги энг азиз инсон ёки чин дўстга айланиб улгурганми?
  9. Севги формуласини ўзингиз учун кашф этганмисиз? Уни қандай эканлигини тушунтириш қўлингиздан келадими?
  10. Кўнгил қўйганингиз билан ўртангизда кечаётган муносабатлар ҳаётингизга бевосита таъсир кўрсатадими?
  11. Севгилингизни соғинишдан кўра кўпроқ рашк қилишингизни тан оласизми?
  12. У билан муносабатдан ёки муомала қилишдан чарчаган вақтларингиз ҳам бўлганми?
  13. Севганингизни шумхабарлар ёки ёқимсиз янгиликлардан асрай оласизми?
  14. Ҳаётингиз давомида кимнидир жуфтингиз каби ардоқламаганмисиз? Бу қадар кучли ва самимий муҳаббатга дуч келмаганмисиз?
  15.  Қарашларингиз турфа хиллигидан баъзан ёрингизни ўзга сайёралик бўлса керак, деб ўйлаб қолмайсизми?

Йўриқнома

Энди жавобларга қараб балларни ҳисоблаймиз! Жуфт сонлар қаршисидаги «ҳа» ва тоқ сонлар қаршисидаги «йўқ» жавобларига 10 баллдан берилади. Агар худди шунинг акси бўлса, баллингиз 0 бўлади. Сўроқ белгиси қўйилган жавобларга 5 балл ёзинг.

100 баллдан юқори — РОМАНТИК. Сизнинг муҳаббатингиз улкан, садоқатлисиз. Ҳисларингизни намойиш этишдан уялмайсиз. Нохуш ҳолатлар юзага келганда туйғуларингиз сизга азоб бериши ҳам мумкин. Муносабатларда мушкулликлар пайдо бўлса, бу оғриқларга дош беролмай қолишингиз эҳтимоли юқори. Аммо бунинг барчаси муҳаббатдан воз кечиш учун важ бўла олмайди. Маслаҳатимиз, севги ҳаётингизни марказий нуқтаси бўлмасин, ҳисларингиз ақлингиз устидан ҳукмрон бўлишига йўл қўйманг!

50-95 баллгача — РЕАЛИСТ. Шубҳасиз, ишқ сиз учун муҳим, аммо яшаш учун яна бошқа сабабларингиз ҳам етарли. Ҳис-туйғулар юрагингизни бутунлай эгаллаб олганида ҳам, ҳушингизни йўқотмайсиз. Муносабатларни бузиши ёки сизга келажакда зарар келтириши мумкин бўлган ишларни асло бажармайсиз. Сиз мағрурсиз, аммо рашкчи эмас. Зийраксиз, бироқ шубҳаланмайсиз. Тушуна оласиз ва сабр қиласиз. Буларнинг барчаси мустаҳкам муносабатларни яратиш учун асқотади.

0-45 баллгача — ПРОГМАТИК. Ҳаётингизни барча жабҳасида, ҳаттоки, севгида ҳам ақл билан иш кўрасиз. Бирор кимга меҳрингизни кўрсатишдан аввал яхшилаб ўйлаб оласиз. Мушоҳада қилганингиздан сўнг ҳам «Кел, бир умр бирга бўламиз!» демайсиз. Асло! Ахир абадий муҳаббат фақатгина китобларда бўлишини яхши биласиз-да! Лекин ҳаётда ҳамма нарса бўлиши мумкин! Галилейнинг замондошлари ҳам бир вақтлар Ер ўз ўқи атрофида айланишига ишонишмаган. Аммо бу ишончсизлик Ернинг ўз ўқи атрофида айланишига ҳеч қандай тўсқинлик қилмаган.

 

Келажакка назар ташлаймиз!

Хўш, қандай жуфтликнинг муносабатлари мустаҳкам бўлади? Бир турга мансублари ёки ҳар хил бўлганларникими? Аниқлаймиз!

Романтик+романтик

Уларнинг муҳаббати шубҳасиз, чиройли ва завққа тўла бўлади. Аммо узоқ давом этмаслик эҳтимоли юқори. Муносабатларни сақлаб қолиш учун жуфтликнинг вақти-вақти билан осмондан ерга тушиб туришларига тўғри келади. Акс ҳолда уларнинг севги қайиғи рўзғор ташвишлари ёки рашк қояларига урилиб, чўкиб кетиши мумкин.

Реалист+реалист

Омадли жуфтлик. Муносабатларини буткул романтикадан ҳоли деб бўлмайди. Бироқ севишганлар ҳаётдаги ҳар бир воқеа-ҳодисага теран нигоҳ билан боқишади, масалаларни ақл билан ечишади. Бу эса уларнинг нафақат оилада, балки ҳаётда ҳам бир-бирларига ишончли ҳамкор эканликларидан далолатдир. Уларни қанчалик кўп режа, иш ва мақсадлар бирлаштириб турса, никоҳлари шунчалик мустаҳкам бўлади.

Прогматик+прогматик

Улар бир-бирларини яхши тушунишади, дунёқарашлари ҳам бир хил. Шу боисдан ҳам муносабатларидан кўп нарса кутишмайди. Ҳамма нарса ҳисоб-китоб асосида қурилса, оилада севгига жой қолармикан? Унутманг, «оила қўрғони»нинг ғиштларини севги билан жипслаштирмасангиз, у мустаҳкам бўлмайди!

Романтик+реалист

Бу икки инсон бир-бирини тўлдириб туради. Романтик оилада муҳаббат оловининг сўнмаслигини таъминласа, реалист турмуш сўқмоқларида дуч келган муаммоларни биргаликда енгиш учун йўл кўрсатади. Бу жуфтликнинг умри узоқ бўлиши шубҳасиз.

Романтик+прогматик

Бири қалбига қулоқ тутса, иккинчичи калькуляторига ишонади. Романтик оилавий муҳим саналарда, масалан, тўй кунларининг нечадир йиллигида унга осмондаги юлдузни совға қилишларини кутади, аммо... унинг ўрнига иккитагина нонни олади. Юлдуздан кўра, оилага нон кераклироқ-да. Умуман олганда, бундай жуфтликнинг тақдири ҳақида сўз очишга руҳшунослар қийналади. Иккови икки хил дунё-да...

Реалист+прогматик

Бирга яхши яшашади. Муносабатлари идеал даражада мустаҳкам деб бўлмайди, бироқ муаммоларни биргаликда енга олишади. Бундай жуфтликни олдинда бахтли ҳаёт кутмоқда, фақат реалист прогматикдан зерикиб қолмаса. Афсуски, бундай ҳолатни инкор этиб бўлмайди.

Зилола УБАЙДУЛЛАЕВА


Комментарии (0) | Добавить: 28.11.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Odil Ahmedov Osiyo chempionlari ligasi finalida o'ynamaydi
Muhammad payg‘ambar (s.a.v.) sevgan 10 ta oziq-ovqat
Shohruhxon va Asal Shodiyevadan yangi fotosessiya
Apple’ning yangi egiluvchan smartfoni haqida batafsil ma’lumotlar paydo bo‘ldi
Moskva sudi Telegram’ni FXX talabini bajarmagani uchun 14 ming dollar jarimaga tortdi
Ramzan Qodirov shayx Muhammad Sodiq Muhammad Yusuf hazratlari​ning qabrini ziyorat qildi
Qirg'izistonning yangi prezidenti Sooronboy Jeenbekov, uning oilasi va qarindoshlari haqida nimalar ma`lum?
Qanday qilib uyqudan yaxshi kayfiyat bilan uyg‘onish mumkin?
Qualcomm Xitoyda iPhone ishlab chiqarishni taqiqlashni talab qildi
Alisher Usmonov o'z samolyotini O'zbekiston prezidentiga ijaraga bergan
Mirziyoyev elektr energiyasi va tabiiy gaz bo'yicha yig'ilish o'tkazdi
BMT: dunyoda 815 mln odam och qolmoqda
Shakardan voz kechishning 3 usuli
Jahon chempionati uchrashuvini ilk marta ayol hakam boshqaradi
Neymar eng yaxshi futbolchi sifatida Messini ortda qoldirdi
Telegram’ning rus tilidagi yangi versiyasi ishga tushdi
Sirdaryoda 2 nafar fuqaroning noqonuniy baliq ovlashi salkam 25 mln so‘mga tushdi
Dubay aeroportida yuzni aniqlovchi virtual tunnel-akvarium paydo bo‘ladi
Telefon suvga tushsa nima qilish kerak?
Hindistonda oq yo'lbarschalar park xodimini g'ajib tashladi
O'zbekiston​ 2020 yilgi MDH raisligiga da`vo qilmoqda
Las-vegaslik merganning miyasi o'rganildi
Messi tarixga kirdi
Miyani chiniqtiruvchi 5 ta jismoniy mashq
Bo‘ysunmaydigan sochlarni qanday uddalash mumkin?
Shavkat Mirziyoyev Sochiga jo‘nab ketdi
Turkmanistonda gaz, elektr va suvdan bepul foydalanish bekor qilinadi
FIFA prezidenti Infantino Maradona va Messini taqqoslab ko'rdi
Putin bir-biriga juda o‘xshash bo‘lgan gubernatorlarni tayinlashda davom etmoqda
Milliy xavfsizlik xizmati bir necha yirik valyutafurushlarni qo'lga oldi