Мессининг қайнотасини тунаб кетишди

Аргентинанинг Фунес шаҳарчасида талончилар бир неча уйга ўғриликка тушишди. Бу уйлардан бири аргентиналик футболчи Лионель Мессининг рафиқаси Антонелли Рокуццонинг отасига тегишли бўлган. Бу ҳақда маҳаллий нашрларда хабар берилган. Хабар қилинишича, бу воқеа 20 февраль куни кечаси содир бўлган ва талончилар шаҳарчадаги уйлардан пул ва қимматбаҳо буюмларни олиб чиқиб кетишган. Талончилар уйларга қурол билан бостириб киришган, лекин жабрланганлар йўқ. Ҳудуд полицияси айни дамда ҳодиса тафсилотларини ўрганмоқда. Маълум қилинишича, бу уйларга ўрнатилган сигнализация тизими ўғрилик арафасида ишламай қолган.

Manba: kun.uz