Microsoft Apple Music`га рақобатчи сифатида Groove Music иловасини тақдим этади

Microsoft компанияси ўзининг Windows 10 операцион тизими учун махсус мусиқий Groove Music иловасини тақдим этади. Бу ҳақда компания блогида хабар тарқатилган.Мазкур хизмат тури фойдаланувчилар учун худди Apple Music каби мусиқаларни рекламаларсиз эшитиш имкониятини беради. Мазкур хизмат кутубхонасида 40 млн.дан ортиқ эшитиш мумкин бўлган мусиқалар жойлашган бўлади. Мазкур хизматдан фойдаланишнинг ойлик хизмат ҳақи 9,99 доллар, ёки йиллик 99 долларни ташкил қилади. Groove Music хизматидан бир вақтнинг ўзида тўрттагача қурилмадан фойдаланиш мумкин бўлади. Шунингдек, Microsoft ҳозирда мазкур илова хизмат турининг Windows, Xbox, Android ва iOS версияларини ҳам чиқаришни режалаштирмоқда.