Microsoft MacBook Air’ни бефойда қурилма деб атади

29.08.2016

1020

Microsoft компанияси Surface Pro 4 планшетига бағишланган реклама ролигини намойиш қилди. Унда компания ўз маҳсулотини Apple’нинг MacBook Air ноутбуки билан таққослади. Мазкур видео YouTube’да тақдим қилинди. 

Рекламада янграган қўшиқда Microsoft икки қурилманинг хусусиятларини таҳлил қилади. Видеодаги куйловчи қаҳрамон “олма” корпорацияси ноутбукини “мушугингнинг шляпасидан-да бефойда” деб атаган. 

Шунингдек, MacBook Air “оғир”, “секин” ва “маълум бир маънода квадрат” қурилма сифатида тасвирланган. 

Бир вақтнинг ўзида Microsoft компанияси Surface Pro 4 қурилмасининг фазилатларига тўхталган, уларга сенсор экран, тасвирларни бармоқлар билан бошқариш имконияти ва стилус ёрдамида овоз ёзиш каби хусусиятлар киради.