Milliarderlar qanday avtomobillarni tanlashadi?

Milliarderlar oqilona moliyaviy qarorlarni tezkorlik bilan qabul qilib, boylik to'plashadi. Biroq muayyan mablag' yig'ilgandan keyin u qadar kerak bo'lmagan narsalarga pul sarflay boshlashadi - masalan, hashamatli avtomobillarga. Microsoft hammuassisi va dunyoning eng badavlat kishisi Bill Geyts yaqinda Porsche 911 superkarini xarid qildi. Virgin asoschisi Richard Brenson suvda harakatlanuvchi Gibbs Aquada'ga ega. Shunday bo'lsa-da, iqtisod qilish odatidan voz kechmagan milliarderlar ham bor. CNBC dunyoning eng badavlat kishilari ro'yxatidagi besh milliarderga tegishli kamtarona avtomobillar haqidagi ma`lumoti bilan bo'lishdi.

Uorren Baffett

Foto: CNBC  

Berkshire Hathaway bosh direktori o'zining tejamkorligi bilan mashhur. U nonushtaga hech qachon 3,17 dollardan ortiq pul sarflamaydi, hali-hanuz 1958 yilda sotib olgan uyida yashaydi.

2014 yilda u Cadillac XTS avtomobilini xarid qildi. Bu avtomobilning chakana narxi - 45 ming dollar atrofida va u Baffetning avvalgi avtomobili 2006 Cadillac DTS'dan bir toifaga yuqori.

Biznes-magnat Forbes'ga bergan intervyusida yangi avtomobil tanlashda shoshilmasligiga quyidagicha izoh beradi: "Men yiliga 5500 kilometrdan biroz ko'proq masofa bosaman, shuning uchun mashinamni hadeb o'zgartiraverishni ma`qul ko'rmayman".

Mark Tsukerberg

Foto: CNBC  

Facebook asoschisini ko'pincha 30 ming dollarli qora Acura TSX boshqaruvida ko'rishadi. U o'z tanlovini bu avtomobilning "xavfsizligi, qulayligi va hashamatli emasligi" bilan izohlaydi.

Ma`lum bo'lishicha, Tsukerbergning xuddi shu narx darajasidagi Volkswagen GTI avtomobili ham bor.

Elis Uolton

Foto: CNBC  

Wal-Mart merosxo'ri Elis Uo­l­ton - dunyoning ikkinchi o'rindagi eng badavlat ayoli. U 40 ming dollarga baholanuvchi 2006 Ford F-150 King Ranch avtomobilini tanladi.

Uning marhum otasi, Wal-Mart asoschisi Sem Uo­l­ton ham umrining oxirigacha xuddi shu rusumdagi 1979 yilgi yuk mashinasini boshqargan.

Ingvar Kamprad

Foto: CNBC  

IKEA asoschisi Ing­var Kam­prad keraksiz narsalarga pul sarflashni yoqtirmaydi: u hatto sochini kaltalatishda ham tejashga harakat qiladi va bu maqsadda faqat rivojlanayotgan mamlakatlardagi sartaroshxonalarga kiradi.

U yigirma yil davomida 1993 Volvo 240 GL avtomobilini boshqargan va yaqinda, mashina haydash uning sog'ilig'iga xavf solishiga ishontirishganidan keyingina bu avtomobildan qutulishga qaror qildi (Kampard 91 yoshda). Avtomobil dastlab 22 ming dollar atrofida baholangan, bugun esa uning narxi - atigi 2 ming dollar atrofida.

Stiv Balmer

Foto: CNBC  

Microsoft kompaniyasining sobiq bosh direktori butun umri davomida Ford avtomobillarini boshqargan, chunki uning otasi Ford Motor kompaniyasining menejyeri bo'lgan.

2009 yilda o'sha paytda Ford bosh direktori bo'lgan Alan Ma­lal­li millioninchi avtomobil sharafiga Balmerga Ford Fusion Hybrid kalitini shaxsan topshirgan. Mashina ichki aloqa va SYNC ko'ngilochar tizimi bilan jihozlangan bo'lgan. Avtomobilning dastlabki chakana narxi taxminan 28 ming dollar atrofida bo'lgan.


Комментарии (0) | Добавить: 03.10.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Ronalduni o'z farzandi butun internetda sharmanda qildi …
Mourino darvozabon boshiga butilka bilan urdi
Yevropa Ligasi. Qur`a qanday kuchli juftliklarni hosil qildi?
Jeenbekov O'zbekistonga aloqador bitimni ma`qulladi
Neymar yana qiliq ko'rsatmoqda
2020-yilga kelib yo‘qoladigan 30 ta odatiy buyum
Zilzila vaqtida namoz o‘qiladimi?
O‘zbekiston uchun 1948-yilda AQShda imzolangan konvensiya kuchga kirdi
AQSh Davlat kotibi: Qo‘shma Shtatlar Shimoliy Koreya bilan muzokaralarga tayyor
Oq uy: Rossiya va Xitoy AQSh milliy xavfsizligiga tahdid tug‘diradi
Banklar tomonidan haq olinmaydigan xizmatlar qanday? (ro'yxat)
«Bizga ham kerak emas» - Ukraina Rossiya bilan temir yo'l qatnovini to'xtatmoqchi
Germaniya 2017 yil shamoldan energiya olishda rekord qo'yadi
Endi bachadon kerakmas...mi?!
Kumush saratonni davolashi aniqlandi
Xiaomi'ning hoshiyasiz Mi Mix 3 smartfoni suratlari tarqaldi
Og‘riq qoldiruvchi dorilar xavfli kasalliklarni keltirib chiqarishi aniqlandi
Qozog'iston ko'mir konidagi ishchilar yer yuzasiga chiqishdan bosh tortishmoqda
Samsung smartfonlarni zaryadlovchi "aqlli" kiyimni ixtiro qildi
Dubayda salkam 300 mln dollarlik safari-hayvonot bog'i ochiladi
Qozog'istonda Rossiya telekanallari o'chirib qo'yildi
Iblis izmidagi oqsoch
«WI-FI» BOLALAR SALOMATLIGIGA O'NGLAB BO'LMAYDIGAN ZARAR YETKAZADI
Tovuq tuxumi ichida brillant bor ekan
Koinot vaqti butunlay to'xtab qolishi mumkin
«Arsenal» yana ochko yo'qotdi
Avtomobildan foydalanish imkoniyatlari kengaymoqda - obuna bo'lish, karshering va ijara
Aeroporti yo'q 6 mamlakat: U yerlarga qanday borish mumkin?
Megalomaniya buyuklikka intilgan telbalar kasalligimi?
10 dekabr – O'zbekiston Respublikasining Davlat madhiyasi qabul qilingan kun