Mirjalol Qosimov Janubiy Koreya va Yaponiya terma jamoalariga qarshi to'p suradigan futbolchilar ro'yxatini e'lon qildi

Ўзбекистон миллий терма жамоасининг бош мураббийи Миржалол Қосимов, Жанубий Корея ва Япония терма жамоаларига кечагидан ўртоқлик учрашувларида  иштирок этадиган футболчилар номини эълон қилди.

Эслатиб ўтамиз, Қосимов шогирдлари 27 март куни Жанубий Корея футболчиларига қарши майдонга чиқишса, 31 март куни улар Япония билан баҳс олиб боришади.

Сафардаги йиғин олдидан, Ўзбекистон терма жамоаси аъзолари Тошкентда 23 март куни йиғилишади ва бир кун ўтгач, улар Жанубий Корея пойтахти Сеулга йўл олишади. Японияга эса, терма жамоа делегацияси 28 март куни йўл олади.

Миллий терма жамоа таркибини эълон қилар экан, бош мураббий Миржалол Қосимов, фурсатдан фойдаланиб, Ўзбекистон ахолисини кириб келган Наврўз байрами билан табриклади.

"Авваламбор, барча юртдошларимизни мамлакатимизга кириб келган Наврўз байрами билан ўз номимдан ва футболчилар номидан табрикламоқчиман. Юртимиз ҳамиша тинч ва осойишта бўлсин, ватандошларимизга эса, соғлик ва омонлик тилайман. Ўз навбатида биз, бизга муҳлислик қилаётган инсонларни ишончини оқлашга ҳаракат қиламиз”, - дейди Миржалол Қосимов.

"Янги мавсумда бизни кўплаб қизиқарли ва осон бўлмаган учрашувлар кутиб турибди. Ушбу ўйинлар олдилан Жанубий Корея ва Япониядек Осиёнинг энг кучли жамоаларига ўртоқлик учрашувларини ўтказиш жуда фойдали” – дея, қўшимча қилди бош мураббий.

Қуйида, Жанубий Корея ва Япония терма жамоаларига қарши кечадиган учрашувларга таклиф қилинган футболчилар рўйҳати келтирилган.