У нас есть только
оригинальные песни

Мобиль интернет энг арзон бўлган мамлакатлар ўнталиги

calendar 01.03.2016
1243

“Content Review” ахборот-таҳлил агентлиги (Россия) мобиль интернет энг арзон бўлган мамлакатлар рейтингини янгилади. Янги рейтингни 2015 йил сентябридагидек, Топ-50 мамлакатларнинг 2014 ЯИМи бўйича ҳисоб қилиб олинди. “Content Review” жамоаси бир гигабайт мобиль интернети трафик нархини, дунёдаги ўртача мобил интернет истеъмоли деб олиб ҳисоб-китоб қилиб чиқди.

Таҳлилчилар ҳар бир мамлакатни мобиль интернет сегментида етакчи бўлган маълум бир алоқа оператори “вакил” қилиб олинди. Россия мамлакати учун 2015 йилнинг барча уч чорагида шу хизмат туридан энг кўп фойда кўрган “Мегафон” компаниясининг нархлари мисол қилиб олинди, - дейди таҳлилчилар. Барча нархлар РФ МБ нинг 22 февраль 2016 йилдаги курсга қараб белгилаб олинган.

Биринчи ўринни Эрон ўзининг “Hamrah-e-Avval” операторида бир гигабайт учун 13 рубль (13 фоизга пасайган) бўлган нарх билан эгаллади. Россияда гигабайт учун нарх ўзгармас – 117 рубль даражасида қолди, лекин аввалида шу ўринни эгаллаб турган Покистонда интернет учун нархнинг кўтарилиши туфайли иккинчи ўринга чиқиб олди (79 фоизга кўтарилиш, 69 дан 113 рублга, оператор “Mobilink”). Учинчи ўринни T-Mobile таклиф этаётган 133 рубль билан Польша эгаллади.

Қозоғистон ўз рейтингида тўртта позицияга “ўзгариш” юз бериб, тўққизинчи ўринга чиқиб олди. Гигабайтнинг нархи қўшни мамлакатда 165 рублни ташкил этди (“Kcell”).

1 Гб мобиль интернетнинг нархи Хитойда («China Mobile») 394 рубллигича қолди, Австралияда («Telsra») гигабайт 483 рубль, АҚШда («Verizon Wireless») – 578 рубль, Буюк Британияда («EE») – 1111 рублни ташкил этди.

Рейтингда энг катта ўсишни 21 позицияга кўтарилиб 19 ўринни эгаллаган Ироқ кўрсатди (гигабайтнинг нархи 57 фоизга, яъни 348 рублга тушиб кетди). Энг катта тушиш Қатарда кузатилди (19 та ўрин пастга, 34 позицияга), нарх икки баробар ошиб, 564 рублни ташкил этган.

«Content Review» раҳбари Сергей Половниковнинг таъкидлашича, 2015 йил сентябрь ойидан кўпгина мобил алоқа операторлари тарифларини қўриб чиқишга мажбур бўлди. «Хитой, Қозоғистон, Канада, Венесуэла, Мексика ва бошқа бир қанча мамлакатлар миллий валюталарининг девальвацияга дуч келиши туфайли, рейтингдаги позицияларига таъсир этган. Европа мамлакатларида эса операторлар роумингдан келган зарарни қоплаш мақсадида асосий хизматларга режалаштирилган равишда нархлар қўйишган”, деди Половников.
Яндекс.Метрика