"Ўздунробита” МЧЖ томонидан банкротлик ҳақидаги ариза Тошкент шаҳар
жиноий ишлар бўйича судининг қонуний кучга кирган 2012 йил 17
сентябрдаги ҳукмига ва Тошкент суди Апелляция коллегиясининг 2012 йил 8
ноябрдаги Ажримига биноан мажбуриятларни бажаришнинг имконияти йўқлиги
муносабати билан Ўзбекистон Республикасининг амалдаги қонунчилиги
доирасида берилди. Қайд этиб ўтамиз, юқоридаги ҳужжатларда "Ўздунробита”
МЧЖга билдирилган молиявий даъво миқдори қарийб $600 млн. миқдорида
белгиланган эди.
Айни пайтда суднинг кучга кирган ҳукмига мувофиқ
"Ўздунробита” МЧЖ ҳисобрақамларидан қолган $150 млн. га яқин пул
маблағлари харажатлар ҳисобига ёзилган.
"Ўздунробита” МЧЖ Ўзбекистон қонунчилигига биноан ўз манфаатларини ҳимоя қилишда давом этмоқда.
МТС
компанияси 2012 йилнинг иккинчи чораги учун ҳисоботда Ўзбекистондаги
$579 млн.миқдоридаги узоқ муддатли активларининг ҳамда Ўзбекистондаги
суд ишлари натижасида юзага келиши мумкин бўлган солиқ ва антимонопол
мажбуриятлари остига қўйилган $500 млн. миқдоридаги захира
маблағларининг қадрсизланганини акс эттирган. Шу тарзда, соф фойда
ҳисобидан чиқарилган маблағларнинг умумий миқдори $1,08 млрд.ни ташкил
этди.