Navoiyda erkak o‘zini shifoxona binosidan tashlab vafot etdi

Ijtimoiy tarmoqlarda Navoiyda erkak markaziy poliklinika binosi 3-qavatidan o‘zini tashlab yuborganligi haqida videoxabar tarqaldi.

Bosh prokuratura bergan ma’lumotga ko‘ra, voqea haqiqatda Navoiy shahrida sodir bo‘lgan va hozirda tergov-tezkor guruhi tomonidan voqea joyi ko‘zdan kechirilmoqda.

Shuningdek, sodir etilgan hodisaning sabablari aniqlanyapti.

«Natijalari haqida keng jamoatchilikka batafsil ma’lumotlar e’lon qilinadi», – deyiladi Bosh prokuratura xabarida.