У нас есть только
оригинальные песни

Nima uchun yaxshi uyqu erkaklar salomatligi asosi hisoblanadi?

calendar 22.05.2017
1498

Замонамиз кишиси урушдаги аскардек ухлашга ўрганиб ҳам қолди. Иш соатидан кўпроқ ишлаш керакми? Майли, кейин дам оларман. Дам олиш кунлари дўстлар билан дийдорлашиш керак, майли, кейин ухлаб оларман. Бу яхши, албатта. Бироқ кейин куч-қувватингиз қолмаганда, ҳаётдан қувониш ҳиссини чарчоқ ва заифлик эгалласа, ажабланманг. Trendymen бу борада эркакларга зарур маълумотлар билан ўртоқлашди.

 

Неча соат ва қачон?

Шифокорлар ҳақ: ҳақиқатда кунига камида 6 соат ухлаш зарур. Яхшиси 8 соат ухлаган маъқул, албатта, лекин агар кундузи ҳеч бўлмаганда ярим соат ухлаш имкони бўлса, тунда 6 соат ухлаш ҳам мумкин. Сиз ухлайдиган вақт ҳам катта аҳамиятга эга. Бунинг учун энг мукаммал вақт - 22:30. Тезроқ ухлашингиз учун планшет ва телефонларни узоқроққа қўйиб, китоб варақланг.

 

Ҳолат ва тўшак

Зарарли ичимликларга эмас, яхши тўшакка пул сарфланг - шунчаки хилма-хиллик учун. Энг яхши танлов - ўртача қаттиқликдаги пружинасиз тўшак. Қоринда ухлаш мақсадга мувофиқ эмас, бундай ҳолларда пешоб пуфаги ва қон томирларига ортиқча босим тушади. Энг яхшиси, ён томонда ухлаш, тепага қараб ухлаш ҳам мумкин.

 

Очлик ва қоронғулик

Катта ёшли инсон соат 19:00, узоғи билан соат 20:00дан кейин овқатланмаслиги керак. Енгил тамадди билан чекланинг, сув ичинг - эрталабгача сабр қилинг. Тунги чироқларни унутинг: ҳар қандай, ҳатто у қадар ёруғ бўлмаган чироқ манбаи ҳам организмда мелатонин ишлаб чиқаришига ҳалақит беради, бу гормонсиз эса уйқуга кетиш қийин.

 

Ёпиқ тизим

Умуман олганда, ётоқхонани ҳордиқ чиқариш учун мукаммал жойга айлантиринг. Бу хонада имкон қадар ўзингизга техникдан фойдаланишни тақиқланг. Шовқиндан ҳимояланиш - жуда муҳим. Кўча-кўйда ҳар хил товушлар эшитиляптими? Товушдан ҳимояловчи қулоқчинлар харид қилинг.

 

Уйқусизлик сабаби

Уйқусизлик Ер юзидаги ҳар учинчи кишини таъқиб қилади. Бунга сабаб, уларнинг биринчи ва иккинчиси - хитойлик, улар эса барчасини тўғри бажаришга одатланишган, шу жумладан ухлашни ҳам. Стресс, қаҳва, жисмоний машқларнинг етишмовчилиги организм фаолиятини ўзгартиради. Саломатлигингизга эътиборли бўлинг, шунда уйқусизлик учун сабабнинг ўзи бўлмайди.

 

Яндекс.Метрика