“O'rikzor” bozori yonidagi elektr temir ustuni nima sababdan qulagani aytildi


Toshkentning "O'rikzor" bozoriga yaqin hududda  kuzatilgan kuchli shamol daraxt va elektr liniyalarining temir stolbalariga jiddiy zarar yetkazilgani hamda buning oqibatida poytaxtning ko'pgina dahalarida elektr energiyasida uzilishlar kuzatilgani to'g'risida xabar, foto va videolar tarqalgan edi.

"O'zbekenergo" AJ axborot xizmatining xabariga ko'ra, ushbu hodisaga asl sabab kuchli shamol emas, balki yuqori kuchlanishli havo liniyasi temir to'singa yuk mashinasining kelib urilishi oqibatida bo'lgan. Hozirgi kunda hodisa oqibatlari to'liq bartaraf etildi hamda elektr energiyasidan uzilgan hududlar to'liq ta`minotga ega bo'lishdi.

Voqeaning asl sababchisi bo'lgan yuk mashinasi bu haqida hech kimga xabar qilmasdan hodisa joyidan yashiringan. Hozirda undan yetkazilgan zararni undirish hamda o'rnatilgan tartibda jazoga tortish maqsadida tegishli tartibda qidiruv ishlari ketmoqda.

Eslatib o'tamiz, avvalroq Toshkent shahar IIBB axborot xizmati xabarida Toshkent halqa yo'lining elektr temir ustuni ag'darilib tushgan joyda elektr ta`minoti tiklangani aytilgan. Shuningdek, xabarda yuqori kuchlanishli elektr temir ustuni ob-havo sharoiti tufayli yo'lning qatnov qismiga ag'darilib tushgani bildirilgandi. 

ПРОФИЛЬ
Логин:
Пароль:
Свяжитесь с нами: info@yoshlar.com
2010-2019 © Yoshlar.com - Молодежный портал!