O'zbekiston 27 davlatdan keladigan sayyohlar uchun viza tartibini bekor qildi

2017 yil 1 apreldan boshlab turizm maqsadida O'zbekiston Respublikasiga 30 kundan ortiq bo'lmagan muddatga keluvchi Avstraliya, Avstriya, Buyuk Britaniya, Germaniya, Daniya, Ispaniya, Italiya, Kanada, Lyuksemburg, Niderlandiya, Koreya Respublikasi, Singapur, Finlyandiya, Shveytsariya va Yaponiya fuqarolari uchun viza tartibi bekor qilinadi. Bu xorijiy fuqarolarning O'zbekiston Respublikasiga tashrifi uchun qulay shart-sharoitlar yaratish va viza tartib-taomillarini soddalashtirish maqsadida O'zbekiston Respublikasi Prezidenti vazifasini bajaruvchi Shavkat Mirziyoyev tomonidan imzolangan "O'zbekiston respublikasining turizm sohasini jadal rivojlantirishni ta`minlash chora-tadbirlari to'g'risida"gi farmonida ko'zda tutilgan.Shuningdek, Belgiya Qirolligi, Indoneziya, XXR (turistlar guruhlari tarkibida), Malayziya, AQSh, Fransiya, Vetnam, Isroil, Polsha, Vengriya, Portugaliya va Chexiyaning 55 yoshga to'lgan va turizm maqsadida 30 kundan ortiq bo'lmagan muddatga O'zbekiston Respublikasiga keluvchi fuqarolari uchun viza rejimi bekor qilinadi.Yuqorida nomlari keltirilgan xorijiy davlatlarning fuqarolari O'zbekiston Respublikasiga kirishda 50 AQSh dollari miqdorida Davlat byudjyetiga o'tkaziladigan kirish yig'imi to'laydi.Kirish yig'imi to'langanligini tasdiqlaydigan hujjat mamlakatga kirish uchun asos hisoblanadi."O'zbekiston Respublikasi Tashqi ishlar vazirligi Moliya vazirligi, Axborot texnologiyalari va kommunikatsiyalarini rivojlantirish vazirligi, Markaziy bank bilan birgalikda 2017 yil 1 martgacha bo'lgan muddatda xorijiy fuqarolar tomonidan kirish yig'imi to'lanishi tartibini tasdiqlash uchun Vazirlar Mahkamasiga kiritsin", deyilgan farmonda.Shu bilan bir qatorda, 2017 yil 1 yanvardan boshlab barcha mamlakatlar uchun 30 kun muddatga beriladigan yagona sayyohlik vizasini joriy etish bo'yicha takliflar tayyorlanishi lozim. Bunda tranzit, xalqaro aeroportlarda va O'zbekiston davlat chegaralari orqali o'tkazish punktlarida viza olish tartiblari sezilarli soddalashtiriladi. Shuningdek, O'zbekistonda sayyohlik sohasida faoliyat olib boruvchi chet ellik mutaxassislarga ruxsatnoma olishni ularga jismoniy shaxslar daromad solig'ini to'lashda imtiyozlar taqdim etgan holda soddalashtirish ham ko'zda tutilgan.Bundan tashqari, vizalarni rasmiylashtirish va taqdim etishda zamonaviy axborot-kommunikatsiya texnologiyalaridan foydalanishni kengaytirish, jumladan, viza olish uchun hujjatlarni topshirish va anketalarni to'ldirishda O'zbekistonning xorijdagi vakolatxonalari va Tashqi ishlar vazirligi konsullik boshqarmasiga tashrif buyurmagan holda onlayn to'ldirish tizimidan foydalanish, shuningdek, 2018 yildan boshlab elektron viza tizimini tatbiq etish ham belgilangan.Mutasaddi davlat tashkilotlariga kelgusi yilning apreligacha bo'lgan muddatda Toshkent, Samarqand, Buxoro va Urganchdagi xalqaro aeroportlarda respublikaga kelayotgan va undan ketayotgan chet ellik sayyohlar uchun pasport va bojxona nazorati, yuklarni olish va transport xizmati soddalashtirilgan «yashil yo'lak» bojxona nazorati tizimini joriy etish bo'yicha zarur choralarni amalga oshirish vazifasi topshirildi.Respublikaning aeroport va vokzallarida chet el fuqarolariga qo'shimcha qulaylik yaratish hamda jarayonlarni tezlashtirish maqsadida rezident va norezidentlar uchun alohida pasport nazoratidan o'tish tashkil etiladi.Tegishli tuzilmalarga qo'shimcha ravishda yo'lovchilarga bepul asosda ko'rsatilayotgan xizmat ko'rsatish darajasi va sifatini oshirish, aeroport va temir yo'l vokzallarida qulay sayyohlik informatsion muhiti, jumladan, sayyohlik-ma`lumot punktlari, sayyohlik navigatsiya tizimlari, mo'ljal olish belgilari va boshqalarni tashkil etish topshirildi.Mazkur farmonning bajarilishini nazorat qilish O'zbekiston Respublikasi Bosh vazirining birinchi o'rinbosari Rustam Azimov zimmasiga yuklangan.

Manba: O'zA


Комментарии (0) | Добавить: 06.12.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Moskvada bir kun ichida ikkinchi harorat rekordi o'rnatildi
Xorazmda ikkita yangi masjid qad ko'tardi
Dunyodagi eng qimmat uyni kim xarid qilgani ma`lum bo'ldi
GM Uzbekistan avtomobil oynalari bug'lanishi va antifriz borasida tavsiyalar berdi
Timati Instagram’da O‘zbekistondan 1 mln obunachisi borligini aytdi va Shavkat Mirziyoyevning Ramzan Qodirov bilan tushgan suratini joylasht
Choliqushining muhabbati hayotga ko'chdi.
Honzoda Mehmed va Nihonning ishdagi ishqi!
Sevgi Istirobi seriali bosh rol ijrochilaridan biri Amir haqida!
Qirg‘iziston 20-dekabrdan O‘zbekistonga elektr energiyasini eksport qiladi
Putin uni Suriyada qo‘riqlagan harbiy xizmatchilarni rag‘batlantirdi
Mehnat kodeksi xususiy korxonalarga nisbatan ham tatbiq etiladi
Yulduz Usmonova 2018 yildagi kontserti kunlarini e'lon qildi
Xonanda Bunyodbek Saidov “o‘z manfaatini davlat manfaatidan ustun qo‘ygani uchun” litsenziyasiz qoldi
Saudiya Arabistonida ayollarning mototsikl haydashiga ruxsat beriladi
Makgregor rejasini oshkor qildi: u MMAga qaytadi
Ronaldu afsonaviy Pelega tenglashib oldi
Pochta aloqasi xizmatlarini ko'rsatish qoidalariga ayrim o'zgartirish va qo'shimchalar kiritilmoqda
Neymarning sermahsul o'yini «PSJ»ga yirik g'alabani keltirdi
14 yil to'xtovsiz homilador bo'lgan ayol eng birinchisida 14 yoshda edi!
Tug'ilajak bola haqida xabar beruvchi yangi texnologiya yaratildi
12 yoshli qizning tanasini daraxt po'stlog'i qoplamoqda
Endi smartfon g'ilofi yordamida qondagi qand miqdorini o'lchash mumkin
Qozog'istonda 1,5 yoshli qizcha kir yuvish mashinasida qolib kyetib, vafot etdi
Ronalduni o'z farzandi butun internetda sharmanda qildi …
Mourino darvozabon boshiga butilka bilan urdi
Yevropa Ligasi. Qur`a qanday kuchli juftliklarni hosil qildi?
Jeenbekov O'zbekistonga aloqador bitimni ma`qulladi
Neymar yana qiliq ko'rsatmoqda
2020-yilga kelib yo‘qoladigan 30 ta odatiy buyum
Zilzila vaqtida namoz o‘qiladimi?